Ez da izango proiektu horiek ez dutela hainbesteko lehentasunik bere agendatxoan? Guk dakigula, Getxo Antzoki superkalifragilistikoa aurrera ateratzeko sekulakoak eta bi egin izan ditu EAJk, proiektua fasetan banatu eta bere erara aurrera atera arte. Legegintzaldia amaitu eta medaila ederra eskegi ahal izango dute, Abratik ere ikusi ahal izango dena. Gainontzeko gehienei ez zaigu batere gustatzen Algortako plaza urtetan baliogabetuta izatea suposatzen duen munstro milionarioa, baina gure iritziak ez die gehiegirako balio.
Aurrekontuei edota zerga eta tasei buruz hitz egiteko konpromisoa duten bezala (horretarako dagoeneko hurbildu zaizkigu galdezka), gainontzekoari buruz hitz egiteko betebeharra dute. Ez diezaietela herritarrei sinestarazi gainontzekoen burugogorkeriagatik ez direla proiektuak aurrera ateratzen; gaiak mahai gainean jarri eta besteen proposamenak eta kritikak onartzeko apaltasuna erakutsi dezatela.
Getxoko Bildu
bildu.info/getxo
Herri bat gobernatzea oso zaila da, are gehiago gehiengo absolutua eduki ez eta zenbait proiektu oposizioko udal talde politikoekin landu behar dituzunean. Getxon, lau talde gara momentu honetan ordezkaritza politikoa daukagunak: Alderdi Popularra, PSE, EAJ eta Bildu koalizioa. Bakoitzaren ametsetan eta Herri Programetan Getxo oso ezberdinak ditugu. Batzuk Espainiari begira eraiki nahi dute Getxo eta gurutzontzientzako kaietan ikusten dute aberastasuna herriarentzat; beste batzuk ordea ez dugu ulertzen Euskal Herriari begira, kolore gorri eta morez margotuta ez dagoen Getxo. EAJren Gobernu Taldeak zailtasun (ezintasun?) handiak ditu bere Getxo eredua gainontzeko taldeekin eztabaidatzeko. Udalean daramagun urte eta erdian behin baino gehiagotan jaso dugu ondoko erantzuna: “Proiektu hori ez doa aurrera gainontzeko taldeek ez duzuelako onartu nahi”. Noski ez ditugula proiektuak onartu nahi (gure herri ikuspegiarekin bat ez datozenean behintzat), baina horrek ez du esan nahi proiektu horren inguruan hitz egin behar ez dugunik. Areetako plazako proiektua, Itzubaltzeta / Romoko Santa Eugenia Kultur Etxea, babes ofizialeko etxebizitzak, ordenantzak… auzoek eta herritarrek beharrezkoak dituzten proiektuak dira eta Gobernu Taldeak horiek lantzeko betebeharra dauka, talde politikoekin zein herri eragileekin. Zureari “amen” esan nahi ez dutenekin kontsensuak bilatzea oso zaila dela ez dugu zalantzan jartzen, baina Gobernu Taldeak ahaleginak egiteko betebeharra dauka. Argazkian, Getxoko Bilduko lau zinegotziak prentsaurreko bat ematen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun