Aspaldidanik diogu disidentzia politikoa kartzelaz zigortzen dela Espainian, eta egunez egun froga berriak eskaintzen dizkigu gobernu espainiarrak. Arnaldori eta bere familiari zigorra ezartzeak agerian utzi du demokraziaren maila eskasa.
Hitzari beldurra badiote, entzun dezatela, luze eta zabal, Arnaldo Otegik esateko daukana, interesgarria baita, zeharo, Euskal Herriaren independentziari buruz egiten duen hausnarketa.
Beste behin, adiskide katalanei esker jaso dugu Otegiren testigantza. Països Catalans, agur eta ohore.
Laura Mintegik gaur bere blogan argitaratutako artikulua
[© Laura Mintegi] BECen iragarri bezala, bertan jasotako beroa poltsikoan sartu nuen bisitan eramateko, eta Gaztela-Mantxa eremu hotza epeldu egin da Barakaldon bildutakoei esker. Bueltako bidaian jakin izan dugu Arnaldo Otegiri komunikazioak debekatu dizkiotela bere hitza entzunarazi zuelako EH Bilduren ekitaldian. Sarean gehien irakurtzen den hitza "debilidad" da, ahulezia, Estatuak duen ahulezia preso baten hitzari beldurra diolako. Beldurraz hitz eginda gogora etorri zait pelikula haren titulua, gogoratzen? "Who’s Afraid of Virginia Wolf?" Nor da Virginia Wolf-en beldur? Hitzei beldurra die hitzen egiari erantzuteko argudiorik ez duenak. Hitzez erantzuteko zerik ez dutenean, inposaketaz erantzuten ohi dute. Patetikoa. Baina, batez ere, alperrikakoa, hitzak beti bidea egiten baitu isiluneen artetik. Argazkian, Laura Mintegi Lakarra / cc-by-sa Euskal Herria Bildu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun