"Getxoztar guztiei dei egiten diegu galdetegiak bete eta Bilduri bidaltzeko; Bildun benetan beharrezkoa ikusten dugu jendearen iritzia jasotzea, baita Bilduren proiektuarekin guztiz bat ez datozena ere. Gainera, erakutsi nahi dugulako udal kontuak beste modu batean aurrera ateratzea posible dela", adierazi dutenez. Horregatik, aurreko urtean egin bezala, aurrekontu prozesuan Bilduk emandako pausu guztiak publiko egiteko konpromisoa berretsi dute. "Gaur lehen pausua egin dugu, baina datozen asteotan informatzen jarraituko dugu, aldizkaria, webgunea, buletik digitala eta prentsaren bidez", gaineratu dutenez.
"Udal dirua, denon kontua" kanpaina aurkezteko prentsaurrekoa Algortan (albuma)
Udal aurrekontuez EAJrekin hitz egiteko asmoz, galdetegiak eta herri-asanbladak prestatu ditu Getxoko Bilduk
EAJren Gobernu Taldea 2013ko udal aurrekontuen inguruan hitz egiteko proposamena luzatu dio aurten ere Getxoko Bilduri, koalizioko kideek gaurko prentsaurrekoan jakinarazi dutenez. Ezkertiarrek aipatu dutenez, "oraindik ez digu proposamen zehatzik aurkeztu eta gara gaian sakontzen hasi". Hala ere, hitz egiteko prest agertu da Bildu, baina ez nola edo ala. Udal aurrekontuak "herriari begira eta ez herriari bizkarra emanez" egin daitezkeela erakusteko "Udal dirua, denon kontua" izena duen parte hartze prozesua jarri dute martxan. Horren barruan, lehenik eta behin, gaur bertan galdetegi batzuk banatzen hasiko dira. Alde batetik, merkatari eta ostalarien artean banatuko dituzte. "Getxon krisi ekonomikoari aurre egiteko sektore ezinbestekoa dela ziur gaude eta horregatik garrantzitsua deritzogu euren iritzia jasotzea", adierazi dute Bildukoek. Bestetik, etxe guztietara beste galdetegi bat bidaliko dute datorren astean. Horretan koalizioak Getxon joan den urtean jasotako zenbait proposamenen inguruan galdetuko diete herritarrei, udal inbertsioetan euren preferentziak zeintzuk diren ezagutzeko. Horrekin batera, azaroaren 13an Itzubaltzeta / Romon eta 14an Algortan herri asanblada irekiak egingo dituzte, udal kontuak zelan funtzionatzen duten azaldu, aurreko urteko prozesuaren berri eman eta 2013ko inbertsioak nora bideratuta egon behar diren galdetzeko. Argazkian, Maitane Nerekan eta Bingen Saitua zinegotziak, prestatutako galdetegietako bat eskuan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun