“Maia egutegia” integratu, komunikatu, elkartu eta komunitatea sendotzera lagunduko duten proiektuak sustatzean datza eta aldi berean bertokoen eta etorkinen partaidetza euskal eta udalerrian bizi diren gainontzeko kultur adierazpenetan parte hartzea bultzatzea ere, udal iturriek azaldu dutenez. Tailerretan ahozkoa ez den komunikazioa bidea izango da kultura desberdinak elkartzeko, horien artean, euskal kultura, Europakoa, Afrikakoa, musulmana…Horietan keinuak landuko dituzte eta baita kultur desberdinetan eduki ditzaketen esanahi desberdinak ere.
Larunbat eta igande hauetan, urriak 20 eta 21, kulturartekotasun ikuspegia duten ahozkoa ez den komunikazioko tailerrak izango dira, “Ea ulertzen didazun….” izenburupean, Matiz baloreen heziketako elkartearen proiektuaren barrukoak. Proiektua Getxoko Udalak kulturartekotasuna eta bizikidetza sustatzeko antolatutako “Maia egutegia” ekimenaren bigarren diru-laguntzaren irabazlea izan da. Subentzioa 2.000 eurokoa izan da. Tailerrak doakoak izango dira eta Algortako Gaztelekuan egingo dira, bi euskaraz, 10:30etik 11:30era, eta beste bi gazteleraz, 11:45etik 12:45era. Izena emateko epea zabalik egongo da hilaren 19ra arte. Pertsona interesatuek posta elektronikoa bidali beharko dute asoc.matiz[abildua]gmail.com edo maiaegutegia[abildua]gmail.com helbideetara. Haurtzaindegi zerbitzua egongo da. Argazkian, erdian Koldo Iturbe eta Elena Coria zinegotziak, 2012ko otsailean emandakko prentsaurrekoan / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun