Bestalde, Egizu Getxo Euskaldun! euskara elkartearen Irakurzaleen Txokoak antolatzen dituen literatura mintzaldietan, urriaren 23an, 20:00etan, Aldai patronatuan, Ur Apalategiren (Paris, 1972) solasaldia izango da. Idazleak 2011n Euskadi Literatura Saria jaso zuen “Fikzioaren izterrak” liburuaz egingo du berba.
Azkenik, Elirale konpainiak haur txikiei zuzendutako ikuskizuna antzeztuko du, azaroaren 4an, 11:30ean, Villamonteko Kultur Aretoan. “Lodikroko”, 2 eta 6 urte bitarteko umeentzako lana da. Izen-ematea urriaren 29ra arte egin ahal izango da Sendin (685 732 963 / sendigetxo[abildua]yahoo.com).
Azaroaren 4ra arte
Egitaraua datorren azaroaren 4ra arte luzatuko da, hainbat jarduerarekin, publiko mota desberdinei zuzenduta, Ipar Euskal Herria eta Getxo hurbiltzeko helburuarekin, baita Ipar Euskal Herria udalerrian ezagutzera emateko ere. Orain arte ospatutako ekitaldietan izandako partaidetza ona izan da. Udal iturriek aipatu dutenez, 1.280 lagun pasa baitira “Hitz Enea” erakusketa ikustera Algortan eta Areetan izan den bitartean; 200 pertsona bertsolarien arteko desafiora hurbildu ziren eta beste 600 “Oroitzen naiz” dokumentalaren proiekziora.
Pantzo Hirigarai eta Kike Amonarrizen umorezko solsaldia izango da bihar Algortan
Pantzo Hirigarai kazetariak eta Kike Amonarriz telebista aurkezleak osatutako bikoteak hitzaldi bat eskainiko dute bihar, asteazkena, umorea nagusi, euskal herritarren izaera eta jokabide desberdinez. “Iparra Galdu Gabe!” V. Jardunaldien barruan, solasaldia 20:00etan hasiko da Algortako Torrene aretoan. Hurrengo egunean, toki eta ordu berean, “Emak Bakia” dokumentala proiektatuko dute, Oskar Alegria zinegilearen lana. Filma “foot-movie” erritmoan filmatuta dago, eta Man Ray artista dadaista estatubatuarrak gidatu zuen izpiritua erakusten du, baita “Emak bakia” izeneko etxearen inguruan egindako lana ere. “Emak Bakia” filma Algortara helduko da Donostiako Zinemaldian lortu duen harrera onaren ondoren. Oskar Alegria proiekzioan bertan izango da, Europako festibaletan, batetik bestera ibili arren, filma aurkeztu eta ondoren solasaldian parte hartzeko. Argazkian, “Hitz-Enea” erakusketak abiatuko zituen urriaren 4an “Iparra Galdu Gabe!” jardunaldiak / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun