“Afvist-Denied" zinta irabazlean 2009an babesa eskatzen zuten 80 errefuxiatu irakiar Copenagueko eliza batetik ateraraztea ikus daiteke. Bigarrenak bi nerabe musulmanen arteko amodio istorioa kontatzen du eta horietariko batek bizitza hobeagoaren bila joateko alde egiten duela. Saritutako hirugarren lanak kamioilari aleman baten errefuxiatu afrikarren familia batekiko jarrera aldaketa uzten du agerian.“Mon Amour-Hormen historioak” lanak ikusten diren eta ikusten ez diren hormak era estetiko desberdin batez erakusten ditu eta, azkenik, “Ngutu” izenekoak herritarren ikuspegi kritikoa irribarre baten bidez esnatzen du.
Zubiak film labur lehiaketaren lan sarituak dituen DVDa banatu du ikastetxe eta liburutegietan Getxoko Udalak
Getxoko Udalak, berak antolatutako Zubiak aniztasunaren aldeko eta arrazakeriaren kontrako film laburren lehenengo lehiaketaren DVDaren hainbat kopia banatu ditu. Diskoak epaimahaiak saritutako lanak ("Afvist-Denied”, “La Hégira” eta “Uwe+Uwe”), aipamen bereziak (“Mon Amour-Historias de Muros” eta “Ngutu) eta publikoaren saria (“Munted”) biltzen ditu. "Lan horiek nabarmenduak izan ziren kultur aniztasuna balorean jartzera laguntzeagatik eta baita arrazakeria, adierazpen mota guztietan, salatzeagatik ere, zinemaren bitartez. Era berean, herritarren arteko hausnarketarako guneak ikus-entzunezko tresnen bitartez sustatzeagatik ere aipamena jaso zuten", azaldu dute tokiko agintariek. Udalerriko ikastetxeetara 17 kopia joan dira eta Villamonteko eta Gobelako liburutegietara beste lau, herritarren eskura egon daitezen. Argazkian, Areetako Andres Isasi Musika Eskolan 2012ko martxoaren 30ean izandako sari banaketan, mezu bidez, Aage Rais Nordentoft "Afvist-Denied” filmaren zuzendariak saria eskertu zuen / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun