Mintegiren aurretik, Andoni Rojo gazteak hartu du hitza. Rojok PNV, PP eta PSEren aurkako hitzak izan ditu: “PNV, PP eta PSEk urte luzeetan ezarririko ereduak etorkizunik gabe utzi gaitu: hezkuntzan murrizketak eta tasen igoerak; bizitza hipotekatuak, langabezia eta prekarietatea. Gazteak aintzat hartuko dituen eta gazteen eskubide sozialak bermatuko dituen eredua da behar duguna”. “
“Horrela bada, gazteok ezinbestekoa dugu politika egiteko beste eredu bat, aldaketa bat suposatu duena, pertsonak eta noski, gazteak, politika guztien ardatz izango garena, irekia, parte-hartzailea, gardena. Hori da EH Bilduk ordezkatzen duen eredua eta horregatik deia luzatzen diegu gazteei etorkizunaren aldeko bozka eman dezaten”, azaldu du Andoni Rojok.
EH Bilduk campusean egindako ekitaldia (cc-by-sa Euskal Herria Bildu)
Gaur goizean EHUko Leioa eta Erandioko campusean ekitaldia egin du EH Bilduk. Laura Mintegi lehendakarigaiak eta, koalizioko gazteen izenean Andoni Rojok, hitza hartu dute eta ikasleei zuzendu zaizkie: “deia luzatzen diegu gazteei etorkizunaren aldeko bozka eman dezaten”. Laura Mintegi gazteei zuzendu zaie: “EH Bildu da aldaketarako aukera baliagarri bakarra. Gure aurka ari dira bat eginda PNV, PP eta PSE, gurea delako aldaketarako eredu baliagarri bakarra. Eta ez gaitu harritzen PNV, PP eta PSE elkarrekin aritzea, azken finean, krisira ekarri gaituen eredu berbera partekatzen dute eta. EH Bilduk ordezkatzen du soilik aldaketarako proiektua; politika egiteko beste eredu bat; justizia soziala ardatz jartzen duen eredu bakarra; gure herriaren burujabetza osoa helburu duen eredua... Eta noski, pertsonak; gazteak eta emakumeak, politika guztien oinarrian kokatzen dituen aukera da gurea”. Horregatik, honako mezua helarazi nahi izan die “aldaketa nahi dutenei gazte eta emakumeei, politika egiteko beste eredu bat nahi dutenei, justizia soziala lehenesten duten horiei eta gure herriak bere geroa inoren baimenik gabe erabaki behar duela uste duten guztiei: EH Bildu da aldaketarako, justizia sozialerako eta burujabetzarako bozka baliagarri bakarra”. Argazkian, Mintegi ikasleei zuzentzen / cc-by-sa Euskal Herria Bildu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun