Ostiralari dagokionez, Sopelan, 18:30ean abiatuko da kotxe karabana elizatik. Ondoren, 20:00etatik aurrera, Erdizka Lauetan taldeak girotutako dantzak, musika, luncha eta ekitaldia egingo dituzte frontoian.
Gorlizen, Karmelo Landak eta Ainhoa Malaxetxebarriak hartuko dute hitza, 19:00etan, San Pedro plazan.
Erandion, Altzagako Jado plazan egingo dute hauteskunde kanpainako itxiera ekitaldia, 20:00etatik aurrera.
Berangon, hauteskunde kanpainari amaiera emateko, triki-poteoa antolatu dute, 20:30ean Sei Herri tabernatik abiatuta: trikitixa, txalaparta, umeentzako ekintzak... eta giro jatorra izango dira.
Azkenik, Algortan, Tellagorri plazan izango da ekitaldi politikoa 20:30etik aurrera. Dani Maeztuk eta Niko Morenok hitz egingo dute.
Urriaren 21eko Eusko Legebiltzarrerako hauteskundeetako kanpaina azken txanpan da jada eta, larunbateko hausnarketa eguna heldu bitartean, EH Bildu koalizioak ekitaldiak antolatu ditu eskualdeko herri gehienetan. Besteak beste, gaur, hauteskunde jaia egingo dute Leioako Jose Ramon Aketxe plazan. Horrenbestez, 18:30ean umeentzako jolasak izango dira. 19:30eko ekitaldian Niko Morenok hartuko du hitza. Eta azkenik, 20:00etatik aurrera, luncha, sagardo kupela eta bideoak egongo dira. Itzubaltzeta / Romon, berriz, Santa Eugenia plazan egingo dute mitina. Hitzordua 19:30ean jarri dute, eta Oskar Matute eta Maribi Ugarteburu izango dira hizlariak. Bitartean, Plentzian, propaganda banaketa eta kantu poteoa egingo dute, 19:00etan Eleiz plazatik abiatuta. Argazkia: cc-by-sa Euskal Herria Bildu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun