Algortan, Sarrikobaso kaleko 17. zenbakian zegoen etxea lurrera bota dute gaur goizaldean, erortzeko zorian baitzegoen. Lanak normaltasun osoz egin dituzte eta aurreikusitakoa bete egin da. "Etxea lurrera botatzeko obrak jabeek kontratatutako enpresak egin ditu, Getxoko Udalak, etxea erortzeko zorian zegoela eta, hala eskatu baitie jabeei", adierazi dute tokiko agintariek. Lanak metroaren zerbitzua amaitu denean, gaueko 00:56ean hasi dira eta 03:08 aldera amaitu dituzte, argindarraren hornidura eten behar izan delako. Gauzak horrela, hainbat neurri ezarri dira segurtasun baldintzak bermatu, haiek eragindako arazoak ahal den gehien gutxitu eta hirugarren batzuei kalterik ez eragiteko. Besteak beste, bide publikoan, espaloian zein galtzadan, eragina izan duten obrak eta hesiak zuzen seinaleztatu dira. Lanak egin diren bitartean oinezkoentzako bidea itxi da etxe ondoan dagoen espaloi zatian, eta alboan dauden lau aparkaleku ere kendu egin dira. Argazkian, etxeak utzitako hondarrak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun