Euskalmeten arabera, litekeena da euri jasen eragina bereziki Kantauri isurialdean antzematea, bertan izango baitira eurite handienak. Larunbatean, hilak 20, arratsaldean, DANA bat iritsiko da (atmosferako maila altuetan aire hotzez osatutako metaketa), eta berriz ere euria egin dezake; zenbait tokitan, euri zaparradak biziak izan daitezke.
Bidenabar, iparraldetik joko duen haizea gailenduko da ostegun arratsaldetik, hilak 18, eta horrek tenperaturak jaistea eragingo du, bereziki ostiraletik aurrera, alegia, urriaren 19tik aurrera.
Larrialdirik gertatuz gero, 112 telefono zenbakira deitzea aholkatu dute.
Euskalmet Euskal Meteorologia Agentziak datorren ostiralean, urriaren 19an, alerta laranja aktibatuko du Kantauri isurialdean, euri jasengatik. Izan ere, egun horretan prezipitazioak 80 eta 100 l/m2 artekoak izan daitezke, Eusko Jaurlaritzaren Herrizaingo Sailak aurreratu duenez. Besteak beste, Getxo eta Leioako udalek prebentzio-sistemak indarrean jarri dituzte eguraldiak txarrera egin dezakeelako. Euskalmeten arabera, ostegun gauean hasiko dira euri jasak, baina ostiral arratsaldean izango dira eurite nabarmenenak. Horrenbestez, datozen egunetarako eurite gogorrak iragarri dira, bereziki ostegun arratsaldetik aurrera eta ostiralean, orduan izango baitira zaparrada bizienak. Horrez gain, ezegonkortasunak ekaitz arriskua areagotuko du egun hauetan, eta zaparradak gogorrak izan daitezke, toki batzuetan 15 litro baino gehiagokoak. Argibide gehiagorako, kontsultatu UKBERRI.NETeko eguraldi zerbitzua. Argazkian, hainbat neska aterki azpian, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun