Getxoko Udalaren laguntzarekin, Palestinari buruzko ikastaroa antolatu du urriaren 29, 30 eta 31rako Biladi elkarteak. Algortako Villamonte kaleko kultur aretoan emango dute, 16:00etatik 20:30era. Ikastaroaren titulua “El mundo árabe en el siglo XXI: Palestina, postcolonialismo y primaveras” (Arabiar mundua XXI. mendean: Palestina, kolonialismo ostea eta udaberriak) izango da eta eskainiko duen irakaslea Bichara Khader Zientzia Politiko, Ekonomiko eta Sozialean doktoratua eta hainbat libururen egilea. Pertsona interesatuek urriaren 26a baino lehen 10 euro sartu beharko dituzte Biladi elkartearen kontu korrontean eta, ikastarora joan izana egiaztatu ondoren, bueltatu egingo dizkiote. Matrikularen formularioa ere bete beharko dute. Informazio gehiago www.getxo.net eta www.biladipalestina.org helbideetan. Argazkian, 2010eko maiatzaren 14an, palestinarren Nakba gogoratzeko elkarretaratzea egin zuten Algortako Telletxe plazan.
Lehenengo egunaren gaia arabiar mundua, historia eta talde ametsen eraiketa, deskolonizaziotik gure egunetara izango da; bigarren egunean arabiar eskualde sistemaz,estatuez, botereez eta udaberriez eta arabiar mobilizazioez mintzatuko dira eta hirugarrenean honako hauetaz: Palestina: Nakba (hondamendia) iraunkorra, mugimendu sionista, 1987ko Intifada, Osloko akordioak, Bake prozesuak eta Europako eta Estatu Batuetako papera, besteak beste.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun