![](http://farm9.staticflickr.com/8052/8108238510_b54b084c17_n.jpg)
Plentziako hainbat hauteskunde-mahaitan EHNA erabiliz "bozkatzeko arazoak" daudela salatu du BIldu koalizioak. Udal talde independentistaren aburuz, "EAJko ikuskatzaileek agiri hori onartzen ez dutelako eta bere erabilera salatzen ari direlako". Goizean zehar bi kasu atzeman dute BIldukoek: bata Txipion eta bestea hiribilduko frontoian. Txipioko hauteskunde zentroan auzokide bat EHNAz bozkatzen saiatu denean, EAJko ikuskatzaile batek "mahaiko presidenteari EHNA ez onartzeko agindua eman dio, eta horrek horrela egin du", koalizioaren arabera. Auzokideak gertakari hori aktan jasotzeko eskatu du, baina presidenteak ezezkoa eman dio. Bestalde, Jai Alai frontoiko hauteslekuan beste auzokide batek EHNAz inolako arazorik gabe bozkatu du. Orduan, Plentziako EAJko Jose Maria Acebedo zinegotziak, ikuskatzailea dena, auzokide horren botoaren aurka egingo duela esan dio presidenteari, auzokideen datuak orri batean apuntatuz. Plentziako Bilduk jakinarazi duenez, EAJren Uri Buru Batzarreko lehendakariarekin harremanetan jartzen saiatzen ari dira, "alderdi horren jarrera ofiziala ezagutzeko asmoz". Argazkian, neska bat EHNAz bozkatzen 2005eko hauteskunde autonomikoetan / copyleft Bai Euskal Herriari / Indymedia Euskal Herria.