Eguerdiko 12ak arte, Eusko Legebiltzarreko gaurko hauteskundeetan bozkatzeko aukera duten EAEko 1.775.336 biztanleen %14,8k eman du botoa, Raul Fernandez de Arroiabe Eusko Jaurlaritzaren Herrizaingo sailburuordeak jakinarazi duenez. 2009an baino %2,4 gutxiagok, alegia. Lurraldeen arabera, Gipuzkoan eman da parte-hartzerik handiena: %16,4, hain zuzen ere. Duela lau urteko hauteskundeak baino %2,8 txikiagoa, baina. Bizkaiari dagokionez, 12:00ak arte, hautesleen %13,9k eman du botoa; 2009an baino %2,6 gutxiagok. Azkenik, Araban, %14,2koa izan da parte-hartzea; duela lau urte baino %0,7 txikiagoa. Bestalde, hiru hautes-mahai zabaltzerako orduan atzerapenak izan dira, Herrizaingo Sailak jakinarazi duenez. Hirurak Bizkaiak: Getxon, Galdakaon eta Santurtzin, alegia. "Hala ere, horrek ez du arazorik sortu hautesleku horiek aurreikusitako orduan zabaltzeko", gaineratu dutenez. Argazkian, Herrizaingo sailburuordearen prentsaurrekoa / cc-by Irekia.net - Eusko Jaurlaritza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun