Hauteslekuak ixteko minutu gutxi falta direla zabaldu ditu Herrizaingo Sailak 19:00ak arte emandako parte-hartzearen datuak. Eusko Legebiltzarreko gaurko hauteskundeetan bozkatzeko aukera duten EAEko 1.775.336 biztanleen %57.73k emanda zuen botoa, 2009an baino %0,59 gutxiagok. Lurraldeen arabera, Gipuzkoan zen parte-hartzerik handiena: %58.34, hain zuzen ere. Duela lau urteko hauteskundeak baino %2,35 handiagoa. Bizkaiari dagokionez, 19:00ak arte, hautesleen %58.06k eman du botoa; 2009an baino %1,76 gutxiagok. Azkenik, Araban, %55.11koa zen parte-hartzea aipatu orduan; duela lau urte baino %2,84 txikiagoa. 20:00etan itxiko dituzte hauteslekuak. Eusko Jaurlaritzaren Herrizaingo Sailak 21:00ak aldera emango ditu ezagutzera lehenengo emaitzak. Argazkian, Herrizaingo sailburuordea eguerdiko prentsaurrekoan / cc-by Irekia.net - Eusko Jaurlaritza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun