Irailaren 27an izandako Ohiko Bilkuran hartutako akordio bidez, Plentziako Uri Udaleko Hiri Antolamendurako Plan Orokorrari (Ingurumenaren gaineko eraginaren baterako ebaluazioaren azterlana barne) eta onarpen tramitazioari hasiera emateko Gorlizko Udalari bidaliko zaion, Saratxaga gunean Gorlizko Udalarekin adostu beharreko bateragarritze proposamenari hasierako onespena eman zaie, tokiko Bilduk jakinarazi duenez. Bestalde, 2012ko urriaren 17an Bizkaiko Aldizkari Ofizialean argitaratu zen HAPO dokumentua jendaurrean jartzeko erabakiaren iragarkia. Iragarki hori argitaratzen den egunaren hurrengotik hasita 45 ohizko egun, interesdunek bertan biltzen diren agiri guztiak aztertu eta egoki deritzaten iradokizunak aurkeztu ahal izango dituzte. Azkenik, zalantza guztiak argitzeko, dokumentua idatzi duen lan-taldea Arkigest, Arquitectura, Ingeniería y Gestion udaletxeko bulegoetan egongo da urriaren 24 eta 29an eta azaroaren 5 eta 12an, hurrengo ordutegian: goizeko 10:00etatik 14:00ak arte eta arratsaldeko 16:00etatik 19:00ak arte. Inork hitzordua eskatu nahiko balu, 946 773 210 telefono zenbakira dei dezake eta 1 zenbakia (Zerbitzu Orokorrak) sakatu. Argazkian, Plentziako udaletxea.
Planaren dokumentuak (memoria, araudi orokorra, arau partikularrak eta hirigintza araudia, guztiak espainolez) sarean jarri ditu Plentziako Bilduk. Gainera, hirigintza plan hori, CD formatuan, Plentzia kopia-dendan eskuragarri egongo da. HAPOren dokumentazioa paperezko euskarrian ere kontsultatu ahal izango da, erakusgai egongo delako udaletxeko bulegoetan eta bulego ordutegitan (9:00-14:00).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun