Bi ostruka horiek gidatzen dituztenek zer eskubide dute herritarrok neoliberalismoaren aurka daukagun borroka-tresnarik eraginkorrena horrela desarmatzeko? Greziako egoerara heldu beharko al dugu borrokan bat egiteko? Gauden lasai, bada, gure eguna iritsiko da eta.
Irlanda hainbestetan aipatu dugun herri honetan noiz ulertuko dugu beste aldearekin hitz egitera kondenatuak gaudela? Madrili elkarrizketa politikoa eskatu, bai, baina ez gara gure auzokoekin ogiaz hitz egiteko gai. Lastima, gure lan- eta gizarte-eskubideen defentsa baino elkarlanerako aukera aproposagorik nekez aurkituko baitugu.
Koldo Larrea Antxia "Itxina" (Itzubaltzeta / Romo)
Azaroaren 14ko nazioarteko grebarako bi aste falta diren honetan, burua lurpean sarturik zeukan ostruka erraldoia topatu dut Lanbideren bulegorako bidean. Irailaren 26rako beste greba "orokor" bat deitu zuen hegazti horrexek, eta ondokoa bota zion gure herrian bizi den beste ostrukatzarrari: "Aurreratu egin natzaizu, kar-kar. Ea zeinek daukan handiagoa!". Horrela dabiltza gure ostruka biak aspaldi (nor bere gainerako ostrukeriekin, jakina). Irrigarria ez ezik, oso arriskutsua ere dugu joko hori, txikiagoa zeinek daukan argitzeko espektakulu errukigarri samarrak bihurtzen baitzaizkigu greba egunak: A-14an, deialdia azkar zabaldu ezik, greba ahula geratuko zaie Nafarroan, eta tristea EAEn. Hots, I-26koa berriro, baina aldrebes. Argazkian, hainbat pikete Areetako Lanbideren aurrean pasa den irailaren 26ko greban.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun