Jorge Fernández Díaz Barne ministrariaren ustez, bestalde, “marra gorriak” zeharkatu dira, “kontagailua martxan jarri da” eta fiskaltzak zein estatuko abokatutzak “nota hartu behar dute eta balizko neurriak ezarri hala balegokio” aipatu esaldiak esate hutsagatik.
Nik uste dut Barne ministrariak eskatuko beharko liokeela estatuko fiskal nagusiari ikertzeko eta aztertzeko eta, “hala balegokio”, neurri zehatzak hartzeko, Barne ministrariak duen jarduera, zeren Barne ministrariak ez baitu legea betetzen, berak aitortuta.
Ministrariak berak esan zuen prebarikazioan jausiko zela Josu Uribetxebarria askatuko ez bazuten (ABC egunkarian jasoa, 2012ko abuztuaren 23an: Fernández Díaz: “Habríamos incurrido en prevaricación de no aplicar el tercer grado a Bolinaga”, http://www.abc.es/20120823/espana/abci-interior-tercer-grado-bolinaga-201208231815.html ). Beraz, gogoz aurka izan bazen ere, baldintzapeko askatasuna eman behar izan zioten.
Legeak preso gaixoaren eskubideak onartzen ditu. Ikusi, bestela, Espaniako Konstituzioaren 15. artikulua, Zigor Kodearen 92. artikulua eta Espetxe Araudiaren 104.4 artikulua. Fiskaltzak eta ministrariak jakin badakite beste hamahiru preso daudela Uribetxebarrriaren egoera berean. Hamahiru pertsona hauek ez dute baldintzapeko askatasunik. Ministrariak prebarikatzen du. Prebarikazioa delitua da (iritziak ematea ez bezala). Argi esaten da Zigor Kodearen 446 artikuluan.
Eta galdera da, fiskalak zer ikertu behar du, adierazpenak ala prebarikazioa? Zer da delitu handiagoa, adierazpenak egitea ala prebarikatzea?
Eta azken galdera, galdera hauek egitea ere delitua da?
Laura Mintegi EH Bilduren lehendakarigaiak bere blogean idatzitako iritzi artikulua.
Beste behin jakinarazi egin digute jakin badakiguna, Espainian ez dagoela oinarrizkoa den eskubidea, iritziak aske adierazteko eskubidea, adierazpen askatasuna alegia. Berriro ere agerian utzi dute hitz egitea delitua dela, bakearen aldeko aldarria kartzelaz zigortu daitekeela eta, finean, arrazoi politikoak direla medio balitekeela kartzelan amaitzea. Adibideak ugariegiak dira, zoritxarrez. Oraingo honetan Eduardo Torres-Dulce Espainiako fiskal nagusiak uste du ikertu behar duela ea delitua den honelako esaldiak esatea, (ESATEA, berriz diot), ABC egunkariak edizio digitalean 2012ko urriaren 29an jaso duenaren arabera, hauek dira ikertu behar diren esaldiak: “no puedo aplaudir una operación de represión”, “esa no es la vía”, “el Gobierno español no tiene ni idea de lo que es un proceso de paz”, “va por mal camino”, “a los miembros de las FARC no se les detiene, sino que se les sienta en la mesa”, “evidentemente retrasa, no facilita (la superación del conflicto). Ahora, no la va a detener ni anular”. Argazkian, Laura Mintegi Algortako Getxo I institutuan bozkatzen, urriaren 21eko Eusko Legebiltzarreko hauteskunde egunean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun