Bestalde, tokiko agintari batzuekin interes instituzionaleko bilerak izan eta elkarrizketatuko dira, Euskal Fondoa elkarteko Zuzendaritza Batzorde berriarekin erakundeen arteko harremanak bultzatzeko asmoarekin. Aldi berean, Nikaraguako hainbat agintarik duela urte batzuk egindako bisitari erantzuna emango diote eta gainera, Errepublikako Kantziler ordeak eta Europar Batasuneko Enbaxadoreak hartuko du euskal ordezkaritza.
Era berean, Nikaraguan egun dagoen udal hauteskundeetarako prozesuaren errealitatea ezagutzeko aukera izango du euskal ordezkaritzak. Horretaz gain, bisitaren bidez jarduera batzuen programa aurrera eramatea aurreikusten du Euskal Fondoak.
Imanol Landa Getxoko alkatea Nikaraguara abiatu da gaur, Euskal Fondoa Euskal Entitate Kooperanteen elkarteak sustatutako lankidetzako proiektuak ikuskatzera. Tokiko iturriek azaldu dutenez, alkatea Erdialdeko Amerikan izango da azaroaren 9ra arte. Landa iazko urriaren 22an aukeratu zuten Euskal Fondoko presidente. Landarekin batera, besteak beste, Pavel Viñas erakunde horren Zuzendaritza Batzordeko kidea eta Juan Manuel Balerdi zuzendaria ere Nikaraguara bidaiatuko dira. Espedizioan zehar, Euskal Entitate Kooperanteen elkarteko ordezkaritzak Euskal Fondoak berak subentzionatutako proiektuak tokian tokiko bisitatu eta ikuskatuko ditu herrialdeko zenbait lekutan, tartean Tipitapan. Horra joaten da Getxoko Udalak emandako diru-laguntza gehiena. Proiektu horiek duten garapena beren-beregi ikusi ahal izango dute horrela. Argazkian, Imanol Landa, erdian, Euskal Fondoko presidente aukeratu zuten batzarrean / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun