Getxoko Udala 2001ean sartu zen Euskal Fondoan eta bere egungo presidentea Imanol Landa alkate getxoztarra da. Egun hauetan, udal agintaria Nikaraguan izango da aste batez. Orain arte Udalak sustatutako jarduera gehienak aipatu herrialdeko Tipitapa udalerrian izan dira. Aurtengo diru-laguntzarekin, Getxok guztira 449.000 euro bideratu ditu aipatutako herriarentzat, besteak beste, liderrak hezteko, udal planifikazioa sustatzeko eta auzo batzuetan euri-urak eta azpiegiturak bideratzeko. Nikaraguako eta Kubako beste toki batzuetarako ere onartu ditu diru-laguntzak Getxok, denen artean, orotara 549.416 euro.
Euskal Fondoa
Euskal Fondoa 1996an sortu zen Euskal Herritik lankidetza deszentralizaturako koordinazio eta laguntza tresna bezala. Gaur egun euskal tokiko 102 erakundek osatzen dute, tartean Hegoaldeko lau herrialdetako udalek, administrazio juntek, EAEko hiru hiriburuak eta Arabako eta Gipuzkoako Diputazioek. Euskal Fondoa Elkartearen helburu nagusiak nazioarteko garapen lankidetza sustatu, lagundu eta koordinatzea dira, eta bereziki, euskal tokiko erakunde eta instituzioek bultzatakoak; baita herritarren parte hartzea eta gizartean gai hauei buruzko gogoeta eragitea ere.
Euskal Fondoa Euskal Entitate Kooperanteen elkarteari 51.000 euroko diru-laguntza ematea onartu berri du Getxoko Udalak, 2015eko abenduaren 31ra arte indarrean izango den hitzarmenaren barruan. Diru kopuru hori Nikaraguako Tipitapa udalerrian aurrera eraman beharreko ibai-drainatze-sistema eta saneamendu proiektu baterako izango da, tokiko agintariek zehaztu dutenez, "haurren eta talde ahulen sabeleko eta arnasketako gaixotasunak murrizte alera, baita euriteek eragindako kalteak prebenitzeko eta azpiegiturak sendotzeko ere". Proiektuaren iraupena 12 hilabetekoa izango da eta 2.469 herritar izango dira onuradunak. Argazkian, Imanol Landa, erdian, Euskal Fondoko presidente aukeratu zuten batzarrean / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun