Dokumental emanaldiak izango dira azaro eta abenduan Leioako Langabetuen Tokian

Azaroaren 7tik abenduaren 12ra bitarteko asteazken gehienetan dokumental emanaldia izango da Leioako Langabetuen Tokian (San Juan auzoa, 3). 19:30ean hasiko dira saioak. Eta, jarraian, solasaldia izango da. Guztia ere sarrera doan. Horrenbestez, ondokoak izango dira ikusgai egongo diren filmak: azaroaren 7an, Naomi Kleinen “La doctrina del shock” (2009); azaroaren 21ean, Charles Fergusonen “Inside Job” (2010); abenduaren 5ean, Naomi Kleinen “La Toma” (2004); eta abenduaren 12an, Ojo Obreroren “Un Fantasma recorre la Argentina... Los Piqueteros” (2001) eta “Paso a las Luchadoras” (2003). Argazkian, martxoaren 29ko greba orokorrarekin bat eginez, aurreko astearteetan elkarretaratzea egin zuen Bulebarrean Leioako Langabetuen Asanbladak / © Leioako Langabetuen Asanblada.