Gasteiz eta Donostia
Bestalde, Gasteizen ere izango da Zientzia Astea, "Lucio Lascaray" Ikerketa eta Ikasketa Aurreratuen Gunean, alegia. Bertan, azaroaren 8tik 10era bitartean, ostegunetik larunbatera. Instalazio hauek 11 stand hartuko dituzte, kartografia, arkeologia historikoa, ordenagailuz lagundutako diseinua, zelula amak, nutrizioa, analisi kimikoa, geografia, hizkuntzalaritza eta beste arlo batzuei buruzkoak. Bertan burutuko diren tailerretan, besteak beste, gazten daztaketa bat egin ahal izango da, helikoptero telegidatu bat erabili airetiko argazkiak ateratzeko, edota gidatze-simulagaili interaktibo bat maneiatu. Eta guzti hori osatzeko, ez dira faltako txangoak, Gesaltza Añanara eta arabar Errioxara bezalakoak, beste toki batzuen artean.
Donostian Zientzia Astea Artzai Onaren Plazan jarriko den karpa handian burutuko da, azaroaren 8tik 10era bitartean, ostegunetik larunbatera. Han hamar bat stand kokatuko dira eta tailer bitxietan ere parte hartzeko aukera izango dute bisitariek, esate baterako, robot bertsolariari hitzak edo gaiak proposatu ahal izango dizkiote edo Zaintza Intentsiboetako Unitate mugikor bat bisitatzeko aukera izango dute. Antolatutako txangoetan Aquariumeko instalazio teknikoak bisitatzeko edota geologian adituekin Zumaiako Flysch-a hobeto ezagutzeko aukera izango da.
Datorren astean, hilaren 7tik 11ra bitartean, EHUren Zientzia Astea, Zientziaren, Teknologiaren eta Berrikuntzaren Astearen hamabigarren edizioa ospatuko da Bilbon, Gasteizen eta Donostian, jarduera ludiko eta pedagogiko ugari dela medio. Jaialdi horrek, zientziaren eta teknologiaren mundura erakarri nahi du gizartea, gai hauek sorrarazten dituzten errezeloak eta beldurrak eraitsiz. Zientzia Astean EHUko sail ugarik parte hartzen du. Irakasleek eta ikasleek "egitarau interesgarri eta askotarikoa" prestatu dute adin guztietako bisitariek "era parte-hartzaile eta dibertigarrian zientziaren printzipio eta bitxikeria desberdinak" ikas ditzaten, unibertsitate iturriek zabaldu dutenez. Zientziaren eremuek ikastetxe eta institutuen bisita jasoko dute goizetan, baina ikuslego orokorrari ere irekita egongo dira. Bilbon Zientzia Astea, asteazkenean, hilak 7, inauguratuko da Bilboko alondegian, igandera arte, irekita egongo dela. Kulturguneko Atrioan 15 stand jarriko dira eta, bertan, kimika, ingeniaritza biomedikoa, errobotika, geologia, fisika, topografia edota arkeologia bezalako gaien inguruan jarduera, jolas eta erakustaldi desberdinak proposatuko dizkiete bisitariei. Paleontologiari buruzko tailerrak eta zientzia ikuskizunak izango dira, eta baita txango didaktikoak ere Bilboko itsasadarra ezagutzeko itsas paseoa, izarrak gauez teleskopio handi baten bidez ikusteko, Sarrikoko parkeko zuhaitzak ezagutzeko, eta abar. Argazkian, Zientzia Astearen artxiboko irudi bat / © EHU.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun