Krisi eta desazkundeari buruzko jardunaldiak egingo ditu Alternatibak Algortan

Erabiltzailearen aurpegia Ukberri 2012ko aza. 6a, 14:32

Alternatiba alderdiak desazkundeaz eta krisi ekonomikoaz hitzaldi sorta antolatu du Algortan asteburu honetarako. Jardunaldiak Villamonte kaleko kultur etxean izango dira, ostiral arratsean eta larunbat goizean, hilak 9 eta 10, eta antolatzaileen arabera, "lehen mailako hizlariak" izango dituzte, "egungo egoera aztertu eta ezkerrak eskaini ahal dituen alternatiben inguruan hausnartzeko, desazkundea, ekofeminismoa eta ekologia, besteak beste". "Beste eredu bat eraikitzeko bidean ekarpen interesgarri bezain argiak" egingo dituzten hizlariak honako hauek izango dira: Yayo Herrero Lopez (Ecologistas en Accion taldeko ko-koordinatzailea eta Ingurumen Hezkuntza katedrako irakaslea), Joaquim Sempere Carrera (Ingurumen Soziologiako irakasle Bartzelonako Unibertsitate Autonomoan Zientzia Ekonomikoen fakultatean), Francisco Ferrer Borrego (Ekonomialaria eta “Seminari d’economia crítica” mintegiko kidea) eta Gonzalo Fernandez Ortiz de Zarate (Ekonomialaria eta Alternatibaren Mahai Internazionalistako koordinatzailea). Hitzaldi guztiak espainolez izango dira. Argazkian, Oskar Matute Alternatibako eleduna.

Alternatibak "ezinbestekoa" deritzo krisi sistemikoa bizi dugun honetan, "eredu jasanezin" honen jatorrian eta bere ondorioen inguruan hausnartzeari. Horregatik, eta hauteskunde garaia atzean utzita, jardunaldiak antolatu ditu, oraingoan Algortan, "gizakiaren eta ingurumenaren arteko harreman orekatsuagoak nola lortu hausnartu eta etengabeko hazkundearen teoria, egungo sistema menperatzen duena, gainditzeko", jakinarazi dutenez.

Ekimeneko kartela

Decrecimiento y crisis
Politika Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun