Entredos emakumezkoen abesbatzak kontzertua eskainiko du igande honetan, azaroak 11, 13:00etan, Algortako Kasinoan, Getxoko Udalak antolatuta. Taldea Madrilen sortu zen 2003an, giza eta kultur mugimenduetan parte hartzen musikaren bitartez errealitatea eraldatzea posiblea dela uste duten 30 emakume desberdinen proiektu kolektiboa bezala. Zuzendaritza musikala Catalina Rivada Garciaren eskutik izango da. Berak eskarmentu handia du musika klasikoan eta gaur egungoan, kantuan, pianoan eta abesbatzen zuzendaritza lanetan. Entredos taldeak sare zabalak ezarri ditu emakume musikarirekin, konposatzailerekin eta musika tresna jotzailerekin, hain zuzen ere, proiektuarekin kolaboratu dutenak, tartean Sonia Megias piano jolea, Inma Claudio bajo elektrikoa, Ttukunak txalapartari bikotea edo Carmina Solis, Siziliako folk taldea. Abesbatzako bi kidek aurtengo ikasturtean ikastaro bana eskainiko dituzte Getxoko Jabekuntza Eskolan. Argazkia: © Fundacion Entredos.
Errepertorioan hainbat herrialdetako herri kantak dituzte, beste emakume batzuek, emakumea direla ospatzeko abestu dutenari lehentasuna ematen. Getxoko kontzertuan hiru kanta euskaraz egingo dituzte. Errezitaldirako sarrera doakoa izango da. Errezitaldiak ematen eta emakumeen aldeko ekimenak laguntzen jardunbide zabala dauka abesbatza horrek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun