Urtero legez, udazkenarekin batera, ibilaldi neurtuaren 30. edizioa antolatu du Berangoko Sei Herri kultur elkarteak. Gaur bertan jakinarazi dutenez, aurten abenduaren 2an izango da Uribe Kosta zeharkatzen duen martxa. Orain dela 30 urte, herriko gazte talde bat ibilaldia antolatzen hasi zen eta gaur egunera arte mantendu da jende askoren laguntza eta inplikazioaz. Ezustekorik ezean, ohiko bi ibilbideak mantenduko dituzte aurten ere: bata, 8 kilometrotakoa gutxi gora behera, txikientzat izaten da; eta bestea, 14 kilometro ingurukoa, helduentzat, bikoteka egin behar dena. Irteera eta helmuga Sei Herri tabernan izan ohi dira, Sabino Arana kalean. Ibilaldia bukatuta, eguerdi aldera, musikaz alaitutako poteoa, herri bazkaria eta sari banaketa dituzte ohitura berangoztarrek. Argazkian, urtero-urtero, ibilaldian parte hartzen duten guztiek etxera eraman ahal dute horren bereizgarria bihurtu den banderatxoa, Algortako Javi Martinezek diseinatzen duena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun