Urdulizko Udalbatzak irailaren 25eko osoko bilkuran behin-betiko onartu zuen Arteta (34. eremua) lursailean 28 etxebizitza tasatu esleitzeko prozesua. Bada, eskakizunak aurkezteko epealdia zabalik dago jada Etxebizitzak Eskatzen dituztenen Udal-Erregistroan apuntatu nahi direnentzat, promozio honetako zozketan parte hartzeko asmoz. Horretarako oinarriak Bizkaiko Aldizkari Ofizialeko 204. zenbakian argitaratu ziren urriaren 23an. Gauzak horrela, eskaera orriak Urduliz Urbanismo SA sozietate publikoak udaletxeko bigarren solairuan duen egoitzan eskura daitezke, arreta emateko ordutegian (goizeko 9:30etatik 13:30etara arte); baita udal webgunean ere. Behar bezala beteriko eskabide-inprimakiak aurkezteko epea, hiru hilabetekoa izango da, Bizkaiko Aldizkari Ofizialean argitaratu zirenetik. Epe hori luza daiteke Urdulizko alkatearen erabakiz. Argazkian, Urduliz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun