![](http://farm9.staticflickr.com/8344/8167607148_e715a503f1_n.jpg)
1938ko azaroaren 9an, judu gazte batek diplomatiko aleman bat Parisen hil eta gero, gau hartan, Alemaniako sinagoga guztiak erre, juduen komertzioen erakusleihoak hautsi eta milaka gizon-emakume atxilotu zituzten. Gertaera hori, “Kristallnacht” bezala ezagutua, kristal hautsien gaua, alemaniar eta austriar juduentzat herria lehenbailehen utzi behar zutenaren seinale izan zen. Batzuk beste herrialdeetan babesa bilatu zuten, beste batzuk egoera ekonomiko baxuagoa zutenak, bertan geratu ziren, zuten egoera ezegonkorrari aurre egin beharrean. Kontzentrazio eta hilketa guneetara sartzea izango zen judu, ijito, antifaxista, homosexual... askoren patua. Hori ez ahazteko azaroaren 9an Faxismo, Sexismo, Diskriminazio eta Arrazakeriaren kontrako Nazioarteko Eguna izaten da. Data hori aukeratu du
Itzubaltzetako Gazte Asanbladak "Once Minutos" antzezlana Itzubaltzeta gaztetxean eskaintzeko, 21:00etan. Izan ere,
Rafael Sierraren eleberrian oinarrituta eta Diego Lopezek aurrera eramandako lanean, George Elserrek, alemaniako presoa, Adolf Hitlerren ustekabeko bisita jasotzen du. Argazkian, antzezlanaren irudi bat / © Rafael Sierra.