Gabonei begira denda eta tabernentzako ikastaroak antolatu ditu Getxoko Udalak

Getxoko Udalak tokiko saltokiei eta ostalaritzari zuzendutako prestakuntza eskaintza plazaratu du, Gabonetako kanpainari begira, Getxolan ekonomia sustapenerako eta enplegu zerbitzuaren bitartez. Dendentzat bi ikastaro antolatu dituzte, “Low-cost erakusleihoak” delakoa eta paketeria sortzekoa, hurrenez hurren. Lehenengoa azaroaren 19tik 22ra egingo da, 14:15etik 16:15era, eta bigarrena, hilaren 26tik 29ra eta ordutegi berean. Ostalaritzarentzat, berriz, honako ikastaro hauek izango dira: “Gabonetarako barra prestatzea: Begietatik sar dadila!”, azaroaren 19tik 22ra egingo dena, 17:00tatik 19:00tara, eta “Elikagaien maneiua”, hilaren 26an eta 27an izango dena, aipatu ordutegian. Informazioa eta izen-emateak: Getxolanen, San Martin kalea 17, Algorta (tel.: 944 660 140. e-posta: getxolan[abildua]getxo.net eta www.getxo.net/getxolan). Argazkian, iazko abenduaren 5ean, Gabonetako argiak pizteko ekitaldi ofiziala egin zuten Algortan Imanol Landa alkateak, Maite Ibarbengoechea Getxo Enpresako presidenteak eta Merkataritza Mahaiko kideek / © Getxoko Udala.