Etxebizitzen artean, lau mugikortasun urri iraunkorra duten elbarriei egokitutakoak izango dira. Halaber, 61 etxebizitza gordeko dira izen-ematearen antzinatasuna lau urtetik gorakoa dutenentzat. Gainera, beste 29 etxebizitza 25 eta 35 urte bitarteko bizikidez osaturiko bizikidetza-unitateentzat izango dira, eta azkenik, sei etxebizitza gordeko dira gainerako eskatzaileentzat. Eskatzaileek hainbat kupotan aldi berean parte hartzeko baldintzak betetzen badituzte, atal honetan finkatutako lehentasun-hurrenkera jarraituko da.
Itxaron-zerrenda
Itxaron-zerrenda agortuz gero, esleitu gabe geratzen diren etxebizitzak, dagokion lurralde ordezkariak zozketa bidez esleituko ditu araudiak ezartzen dituen baldintzak betetzen dituzten eskabideen artean. Posible izango da Etxebiden izena emateko eskabideak kontuan hartuko diren azken eguna atzeratzea eta sustapenean interesa dutela adierazitako udalerriak zabaltzea.
Ostegun honetan, azaroak 15, 12:00etan, zozketatuko dira Leioandin egingo diren babes ofizialeko 100 etxebizitzak. Udal iturriek zehaztu dutenez, zozketa berrikuntzekin dator: "Eusko Jaurlaritzak egindako azken aldaketaren ondorioz ez da irekia izango, hau da, eskatzaileen artean 100 gonbidapen banatu dira zozketan egon ahal izateko". Gainontzekoek internet edo telefono bidez kontsulta behar izango dute emaitza. Eusko Jaurlaritzaren Etxebizitza Sailetik adierazi duten moduan, guztira 964 eskatzaile sartuko dira zozketan, eta horietatik 100 lagun egon ahal izango dira bertan. Bestalde, gonbidatuta ez dauden eskatzaileek Etxebideren web gunean (www.etxebide.info) jakin ahal izango dute horren emaitza, edota Eusko Jaurlaritzaren Herritarren Arreta telefono zenbakira, 012ra, deituz arratsaldean. Argazkian, aurreko etxebizitza zozketak irekiak izan dira, Leioako Sakoneta kiroldegian / © Leioako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun