Getxoko Udalak "oso positibotzat" jotzen du Izarren Distira, "ekimena pasa den apirilaz geroztik ari delako martxan jarduera ugarirekin, tartean, egotaldi batekin, aurkezpenekin, castingekin eta abarrarekin". "Azken finean, gazteei euren gustuko jarduera proposatu eta euskaraz egitera animatzea da xedea, era horretan hizkuntza bultzatu ahal izateko", gaineratu dute tokiko arduradunek.
Algortako San Nikolas ikastolako 12 urteko sei gaztek osatutako taldeak irabazi du, Getxoko Udalak antolatuta, gazteen artean euskararen erabilera sustatu nahi zuen IV. Izarren Distira Gala. Areetako Andres Isasi Musika Eskola ia beteta egon zen atzo arratsaldean, tokiko iturriek aipatu dutenez, eta guztira zortzi ikuskizun desberdin ikusi ahal izan zituzten bertaratutakoek; tartean, mimoa, ikus-entzunezko bat, umorezko bakarrizketa edota antzerkia. Irabazleek “Euskararen bila” izeneko antzezlana eskaini zuten. Taldeko lau kidek aktore lana egiten zuten bitartean beste biek, mozorro ezberdinez baliatuta, tronpeta joz alaitu zuten giroa. Amaieran ikusleak ere altxatu eta dantzan jarri zituzten “Guk euskaraz, zuk zergatik ez” abestiaren doinuek lagunduta. Publikoaren txalo gehienak eraman zituzten eta amaieran Port-Aventurako parkerako bidaia eskuratu zuten, Kepa Miñambres Udaleko zinegotziaren eskutik. Argazkian, iazko galako parte hartzaileak / cc-by-nc-sa Topagunea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun