Eztabaida Gunea azaroaren 14ean itxita egongo da. Kapitalismoak berregituratzen jarraitzen du eta gobernuek euren murrizketa ekonomiko eta sozialak aplikatzen dituzte. Herriak eraso hauei erantzuna eman behar die, borroka moduak birplanteatuz eta modu bateratu batean eginez, non langileak protagonistak izango diren. Horregatik, A14an itxi egingo dugu borrokara batzeko. Gobernuekin paktatzen duten eta geroago greba orokorrak deitzen dituzten sindikatuen ideiekin ez dugu batere bat egiten, baina ez ditugu borrokarako eta konfrontaziorako aukerak galduko. Modu desberdinetan mobilizatzen jarraitzea beharrezkoa da. Egin dezagun egunero borroka eguna izatea. Adi mobilizazioetara eta irten kalera! Ez da krisia, kapitalismoa da! Argazkian, 2011ko irailaren 29an estreinatu zuten Eztabaida gune antiautoritarioaren Villamonte plazako lokala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun