Bestalde, abenduaren 3rako, Euskararen Nazioarteko Eguna ospatzeko, Getxon Berbodromoa antolatuko du Egizuk. Iaz izan zen lehen Berbodromoa. Baina zer da Berbodromoa? Zer ari gara Getxoko hiru euskaltegiak eta Bizarra Lepoan euskara-elkartea antolatzen euskararen egunaren harira? Euskaldunok euskaraz elkartzeko gunea izan nahi du Berbodromoak, euskara kalera ateratzea, euskararen erabilera indartzea eta indar-erakustaldia egitea dira Berbodromoaren helburuak, jendea Berbodromoan euskaraz berbetan jarrita.
Goizez saio bi eta arrastian beste bi egingo dira: 9:00etan, 11:00etan, 17:00etan eta 19:00etan. Laurak Fadurako erretegi zaharrean, Algortan, ordubetez, “word cafe” metodologiaren bidez (bostkoteetan ipinita) hiru gai hauen inguruan berba egiteko:
- Haurtzaroko oroitzapenak.
- Kontsumismoa.
- Teknologia berriak.
Sarrerak eskura
Larunbat honetan, azaroak 17, Areetako Andrés Isasi musika eskolan "Paradizuaz" ikuskizuna izango da, 20:00etan, Bernardo Atxagaren eta Jabier Muguruzaren eskutik. Egizu Getxo Euskaldun! elkarteak 10 gonbidapen ditu berbalagunen artean banatzeko. Eta horretaz gain, taldetxoa elkartuz gero, sarrerak prezio erdian, 5 euro. Eskatu ahala banatuko dituzte gonbidapenak.
Bestalde, Udagoieneko Osterak antolatuta, azaroaren 24an Ruper Ordorika izango da Kultur Leioan, 21:00etan. "Hodeien azpian" azken diska aurkeztuko du bertan eta Egizun bi sarrera dituzte zozketatzeko berbalagunen artean. Izena emateko izen-abizenak eta telefono zenbakia bidali beharko dira egizugetxo[abildua]gmail.com helbidera. Sarrerak bihar zozketatuko dituzte.
Disfrutatzeko aukera ugari dituzte aste bukaeran eskualdeko euskaldun eta berbalagunek
Urtero bezala martxan ditu berriro ikasturtea eta berbalagun-taldeak Egizu Getxo Euskaldun! elkarteak. Gaur, osteguna, denak elkartuko dira aurkezpen-merienda egiteko eta elkar ezagutzeko. Algortako Torrene kaleko 3. zenbakian, iazko leku berean, batuko dira, 19:30etik aurrera. Edateko edo jateko zer edo zer eramateko eskatu dute Egizukoek. Bitartean, gaur bertan, Altzagako azoka zaharrean, "Lingua Nabajorum" antzezlan dibertigarria ikusgai izango dela gogoratu du Berbots Erandion Euskaraz! taldeak. Saioa 20:00etan izango da, sarrera doan. Ostiraleko planari dagokionez, Erandioko Kalezulo gaztetxearen lehenengo urteurrenaren barruan, bertso-afaria egongo da 22:00etan, Jon Maia eta Fredi Payaren parte-hartzearekin. Aurretik triki-poteoa egingo dute 20:30etik aurrera. Afarirako txartelak Karraka tabernan egongo dira salgai 10 eurotan edo, bestela, erandiokoga[abildua]gmail.com helbide elektronikoaren bitartez. Leioan, berriz, berbalagunak, gurasolagunak eta euskaldun zein euskaltzaleak kantu poteoa izango dute, Berbalamiñe euskara elkartearen eskitik. 20:30ean jarri dute hitzordua Xcaret tabernan hasteko eta herria giro euskaldunaz bustitzeko. Azkenik, iganderako, berbalagunentzako ibilbide etnotoponimikoa antolatu dute Sopelako Aitxu!, Berbots Erandion Euskaraz! eta Egizu Getxo Euskaldun! elkarteek. Argazkian, Egizuren azken bizikleta irteeran parte-hartutako hainbat lagun / cc-by Egizu!
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun