Aisialdi hezigarriaren esparruan lan egiten duten 17 elkarteri esker ona adieraziko die Getxoko Udalak
Datorren asteartean, azaroak 20, 19:30ean, udalerrian urte luzeetan zehar aisialdi hezigarriaren esparruan lanean ibili diren eta dabiltzan hainbat erakundeei esker ona adieraziko die Getxoko Udalak. Ekitaldian Imanol Landa alkatea eta Koldo Iturbe Euskara, Kultura eta Gazteria arloko zinegotzia izango dira. Horiek saria emango diete elkarteei. Tokiko erakundeak Itzubaltzeta / Romoko Gobelaurre kalean duen egoitzan jarri dute hitzordua eta adin desberdinetako gazteekin eta ekintza desberdinen bitartez lan egiten duten 17 bat elkartek parte hartzea espero dute. Aipatu eragileak honako hauek dira: Bizarra Lepoan Euskara Elkartea, Club Ibaiondo, Eskubeltz Eskaut Taldea, Gaztetasuna Taldea, Adimen-urritasuna duten Pertsonen aldeko Uribe Kosta Elkartea, Ziztu Bizian Eskaut Taldea, Algortako Gaztetxoak, Irutasun Kultur Elkartea, Negubide Elkartea, Algortako Eskaut Taldea, Galea Elkartea, Itxartu Mendigoizale Taldea, Itxas Argia Mendi Taldea, Etorkizuna Mendi Taldea, Andra Mari Mendi Taldea, Gazteen Gurutze Gorria eta Aisibizia Elkartea. Argazkian, Bapirukeko gaztetxoak skate-an.
“Beste arlo batzuetan, hala nola, kirolean eta kulturakoan, gure auzotarrek egindako lana eskertzen dugun bezala, elkarte horiek urteetan Getxon ume, nerabe eta gazteekin heziketa integralaren eta elkartasuna, elkarrekiko begirunea, lankidetza, integrazioa eta ingurunearekiko maitasuna bezalako baloreak transmititzearen alde egindako lanagatik eskerrak eman nahi dizkiegu”, adierazi du Imanol Landa alkateak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun