"Seme-alabaren entzumen galtzea: eskarmentutik gerturatzea" lelopeko sentsibilizazio jardunaldia antolatu dute etzirako, larunbata, Algortako Villamonte kaleko kultur etxean. Entzumen galtzeari buruzko ekimena Ulertuz Bizkaiko haur gorren familia eta lagunen elkarteak antolatu du. Jardunaldia adin guztiei zuzenduta dago, eta alde batetik, nagusientzako jarduerak izango dira, tartean elkarteari eta familia batzuen esperientziei buruzko informazioa ematea, eta bestetik, 3 eta 12 urte bitarteko haurrei zuzendutakoak, ipuin-kontalaria, lehiaketa bat eta tailerrak. Jardunaldia goizeko 10:30ean abiatuko dute eta bi ordu iraungo du, sarrera doakoa izango dela. Argazkian, ume bat belarriak babesten artxiboko irudi batean.
Ulertuz irabazi-asmorik gabeko elkartea, 1999an sortu zen, Bizkaiko lurraldean urritasuna duten neska-mutilen eta horien familiei laguntzeko dauden hutsuneak betetzeko helburuarekin. Entitateak eskaintzen dituen zerbitzuen artean honako hauek daude: informazio, orientazio, arreta eta aholkularitza zerbitzua familiei eta horiekin eta euren seme-alabekin harremanetan dauden beste eragileei; diagnosi zerbitzua, arreta psikologikoa eta orientabide pedagogikoa; logopedia; Laguntza Goiztiarra edo entzumen Urritasuna duten Bizkaiko neska-mutilen eta gazteen sozializaziorako dauden oztopoak ezabatzeko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun