Bi pertsona horien senide batek salmentaren berri eduki zuenean, enpresari burofax bat bidaliz, kontratua bertan behera uzteari ekin zion eta, aldi berean, Udaltzaingoari eman zion gertaeraren berri. Poliziak hiru emakume bikote eta azken kobratzea egiteaz arduratzen zen gizon bat identifikatu ditu.
Udaltzaingoak auzokideak ohartarazi ditu etxean pertsona ezezagunak sartzen uzterako orduan arretaz jokatzeko eta edozein gauza etxean bertan erosteko aukera ondo aztertzeko ere. Era berean, poliziak pertsona edadetuak biltzen diren tokietan zabalduko du albistea.
Iaz, Koldo Nabaskues Euskal Kontsumitzaileen eta Erabiltzaileen Elkarteko presidenteak prentsa ohar batean jakinarazi zuen beste udalerri batzuetan jokabide berberak gertatzen ari zirela.
Etxez etxeko koltxoi “salmenta agresiboaz" ohartarazi du Getxoko Udaltzaingoak
Getxoko Udaltzaingoak udalerrian gertatzen ari den etxez etxeko “salmenta agresibo” batez ohartarazi du. Tokiko iturriek zabaldutakoaren arabera, bat edo bi andrek, enpresa banatzaile bateko saltzaileek, mugitzeko erabiltzen duten furgonetatik irten eta edozein etxeko txirrina jotzen dute. Irribarretsu, familiako galdetegi-gida medikua ematen dute, jasotzeko itzuliko direla hitza emanez; edo une horretan bertan giharretako edo sorbaldako minik duten galdetuz, batez ere atea ireki dien pertsona adinekoa bada. Erantzuna baiezkoa bada horren soluzioa dutela erantzuten dute: koltxoi harrigarria, bere min guztiak osatuko dituena. Herenegun bertan Udaltzaingoak udalerriko 86 eta 95 urteetako bi auzokideen abisua jaso zuen, esanez, bisita horietako bat jaso zutela eta aipatutako koltxoi horietako bat erosteko 50 euroko aurrerapena eman zutela. Koltxoiaren prezioa oso altua zela, 1.700 eurokoa, gehitu zuten. Oso gestio azkarrean koltxoia eman, kontratua sinatu eta koltxoi zaharrak arineketan etxetik atera zituzten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun