Turismoaren, kulturaren eta gazteriaren eremuan esperientzia-trukatze sakonagoa egiteko, Imanol Landak Pelluco Duhart Donibane Lohitzuneko alkatea hartu zuen atzo. Duhart, aipatu Udaleko zenbait zinegotzirekin eta Kultura, Turismoa eta Gazteria arloko teknikarirekin batera heldu zen Getxo udalerrira. Harrera ekitaldia udaletxeko batzar areto nagusian izan zen eta, ondoren, zenbait batzar egin zuten turismoaren zein kulturaren, gazteriaren eta euskararen inguruan berba egiteko. Bilera horietan, bi udaletako zinegotzi eta teknikariek bi herrietan izaten ari diren esperientzia eta ekimenak trukatu zituzten, udal getxoztarreko iturriek zehaztu dutenez. Arratsaldean, zinegotziek Algortan eraikitzen ari diren Getxo Antzokia eta Musika Eskola bisitatu zituzten, Portu Zaharrean barrena ibili ziren eta Getxoko bidaiari-itsasontzien kaira joan ziren. Argazkian, Getxoko zein Donibane Lohitzuneko udal ordezkariak batzar aretoan / © Getxoko Udala.
"Aipatzekoa da Getxok eta Donibane Lohitzunek aspaldidanik harreman profesionala dutela turismoaren eremuko trukatzeak egiteko eta urtero batak bestearen herria sustatzen duela, nork bere herrian. Halaber, aipatu Donibane Lohitzunek turismo-itsasontzi asko eta asko lehorreratzen den portua dauka", azaldu dute Getxoko Udaletik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun