Herrialde Palestinarrak bere baitan duen lurraldea %12koa da Palestina Historikoaren barnean, "check point"-ez eta kolonia israeldarrez inguratuta dagoelarik; horrela, badirudi Gobernu israeldarraren estrategiak, palestinar estatu baten sorrera ekiditea eta Israelen nagusitasuna ezartzea direla.
Eraso horren aurrean, munduko herriok badugu eginbehar solidarioa Palestinako herrialde zibilaren deiari erantzunez; horrela, boikota, inbertsio eza eta estatu sionistari zigorrak ezartzea eskatzen digute. Palestinarren eskubide zibilak eta politikoak bortxatzen jarraitzen dituzten bitartean eta Israelek legedi internazionala betetzen ez duen bitartean hori da egin dezakegun elkartasun ekarpen eraginkorrena.
Horregatik, palestinarren aurkako edozein erasoren aurka manifestatzera eta Estatu israledarrari boikot egitera deitzen zaituztegu.
Askapena
Israeli Boikot! Herenegun gauean hegazkin israeldarrek Gazako gobernuko egoitza bonbardatu zuten, 9 hildako eraginez; horrela guztira, 38 palestinar hil dituzte lehenengo lau egunetako bonbardaketaren ondoren. Israelek bere estatua lurralde palestinarrean ezarri zuenetik 1948an, etengabeak izan dira indar okupatzaileek eragin duten erasoak herri palestinarrari; exodo, garbiketa etniko eta apartheidaz gain. Azkeneko operazio militar hori "Babes zutabea" deitu du Israelgo Gobernuak, eta 75.000 soldadu erreserbista mugiarazi ditu, hauen lurreko mugimendua somatu daitekeelarik etorkizun batean. Estatu Batuetako agintari den Barack Obamak "babesteko eskubidea" onartu zion Netanyahuri. Argazkian, besteak beste, 2008an Israelek Gazan eragindako sarraskiaren aurrean bezala, astelehenerako, 19:00etan, Bilboko Arriaga plazan elkarretaratzea deitu du Askapenak / © Sare Antifaxista.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun