Emakumeenganako indarkeriaren kontrako hainbat ekitaldi deitu ditu Leioako Bilgune Feministak
Azaroaren 25eko Emakumeenganako Indarkeriaren Aurkako Nazioarteko Egunaren harira, hainbat ekitaldi antolatu ditu Leioako Bilgune Feministak. Horrenbestez, ostiral honetan, hilak 23, film laburren emanaldia egingo dute. Hitzordua 19:00etatik 20:30era izango da, Andrak elkartearen lokalean (anbulatorio zaharra) eta haurtzaindegi zerbitzua ere egongo da. Larunbatean, hilak 24, heldu zein haurrentzako ipuin kontalari saioa izango da ordu eta toki berberetan. Azkenik, igandean, hilak 25, kontzentrazioa egingo dute 13:00etan, Bulebarrean, "Emakumeon indarkeriaren aurrean, emakumeok iraultza!" lelopean. Argazkian, 2011ko abenduaren 13an, Leioako Bilgune Feministak eta Andrak emakumeen elkarteak deituta, egun batzuk lehenago 10 urteko neskato batek pairatutako sexu-erasoa salatzeko elkarretaratze isila egin zuten Bulebarrean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun