Bestalde, azaroaren 24ean, larunbatean, Gasteizeko Artiumean egingo den Beldur Barik Topaketara joan nahi dutenentzat autobusak izango dira Bilbotik; eta Getxoko Berdintasuneko Zerbitzua joan nahi duten adin gabeen baimenak gestionatuko ditu. Jardunaldi horretan aurtengo edizioaren sariak banatuko dituzte. Horretarako Gauegun gaztelekuan egindako bideo bat aurkeztu da, baita gazte getxoztar talde batek egindako beste bat ere.
Puntu lila iraunkorra
Udalak herritarren artean puntu lila agertaraztea bultzatuko du, emakumeek jasaten duten indarkeria gaitzespen moduan, Aurtengo berritasuna, Berdintasun Batzordeak proposatuta, puntu lila bat pintatuko dute Bizkaia Zubiko plazan, “han era iraunkorrean geratuko dena. Indarkeriaren kontrako gune sinboliko bihurtuko da hor”, adierazi zuen Keltse Eiguren Berdintasun zinegotziak, joan den osteguneko prentsaurrekoan. Gainera, Udalak puntua edukiko duten mila binilo banatuko ditu udalerriko komertzio eta dendaren artean eta beste mila gehiago paperean ere aterako ditu, nahi duenak HABetan, Kultur Aretoetan eta Udaleko Berdintasuneko Zerbitzuan eta baita udal web gunean (www.getxo.net) ere eskuratzeko. Udalak auzokideak animatu nahi ditu puntua leihoetan eta toki ikusgarrietan ipintzeko.
Ekitaldien helburua emakumezkoek pairatzen dituzten erasoak gaitzestea eta hausnarketa egitea da, baita “emakumeek jasaten duten edozein indarkeri motaren aurrean herritarrak kontzientziatzea eta sentsibilizatzea, gizarte lakra hori ikustaraztea eta aldi berean antolatutako jardueretan parte hartzera animatzea ere” azaldu zuen Eigurenek. Kanpaina EUDEL euskal udalerrien elkartearen Berdinsareak antolatutako jarduerekin batera eramango da aurrera, eta horien artean, Beldur Barik programa nabarmentzen da (udalerriko zortzi metro geltokietan iragarrita).
Azaroaren 25aren harira, eraso sexualei buruzko hausnarketa sustatuko du Getxoko Udalak
Eraso sexualei buruzko hausnarketa egingo da Getxoko Udalak azaroaren 25eko Emakumeenganako Indarkeriaren Kontrako Nazioarteko Egunaren inguruan antolatutako jardueretan, tokiko iturriek adierazi dutenez. Udalerrian aurreikusitako jardueren artean, asteartean, hilak 20, “Emakumeenganako indarkeria eta gizonezkoak. Gizon taldeen hausnarketa eta praktikak” solasaldia izango da Jose Angel Lozoya maskulinitatean aditu eta Sevillako berdintasunaren aldeko foroko kidearen eta Jabi Muñoz Zipriztintzen Ermuko gizon taldeko kidearen eskutik. Ostiralean, hilak 23, Manuela Torres abokatu eta ADAVAS Eraso Sexual eta Genero Indarkeriaren Biktimen Arretarako Elkarteko kidea eraso sexualez mintzatuko da. Bi hitzorduak, Algortan, Villamonteko kultur aretoan izango dira, 19:00etan hasita. Ohi bezala, Udaleko osoko bilkurak agiri instituzionala onartzea mahai gainean edukiko du. Bestalde, Gizatiar elkarteak bere ohiko elkarretaratzea egingo du Bizkaiko Zubiko plazan: oraingoan, hilaren 22an, 19:30ean. Argazkian, emakumeenganako indarkeriaren kontrako elkarretaratzea Areetan orain urte batzuk / Urtzi Altube - Ilanda.eu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun