Gorputzaz erabakitzeko emakumeen eskubidea bertsoka aldarrikatuko dute Sopelan

Erabiltzailearen aurpegia Ukberri 2012ko aza. 19a, 20:26

Bizkaiko Medicus Mundi elkarteak "Nire gorputza, nire erabakia" bertso-paper lehiaketa abiatu du gaur Sopelan. Aipatu ekimenak Euskal Herrian zein Hegoaldeko herrialdetan emakumeek gorputzaren eta sexualitatearen inguruan askatasunez erabakitzeko duten eskubidearekiko errespetua aldarrikatzea du helburu. Lehiaketa horretan Sopelan jaio, lan egin, ikasi edo bizi den pertsona orok parte hartu ahal izango du, partaide bakoitzak nahi adina bertso-sorta bidal dezakeela. Bertsoak abenduaren 7a baino lehen honako posta elektroniko helbidera bidali beharko dira: educa.bizkaia[abildua]medicusmundi.es. Gaia menperatzeko eta bertsoak nola sortzen diren ikasteko doako tailer irekia antolatu du Algortako Bertsolari Eskolak (ALBE), azaroaren 30ean, 18:00etatik aurrera, Sopelako Sekeko gaztetxean. Argazkian, Nerea Ibarzabal Salegi bertsolaria Sopelan burututako Bizkaiko Bertsolari Txapelketako kanporaketan / cc-by-nc-nd Bizkaiko Bertsozale Elkartea - UKBERRI.NET.

Lehiaketari bukaera emateko, abenduaren 14an gaueko 21:30etik aurrera Sopelako frontoian bertso-afaria eta sari banaketa egingo dituzte. Horretarako sarrerak abenduaren 1etik aurrera izango dira salgai, frontoian bertan zein euskaltegian.

Bertso-paper lehiaketaren oinarriak


Jendartea Sopela
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun