Goizeko saioetan parte hartzaileek Euskal Herriko mugimendu feministaren historia, politika kronikan nola agertzen diren emakumeak, berdintasunaren irudikeria edota erradiografia sozioekonomikoa aztertuko dituzte, genero ikuspegitik. Arratsaldean, berriz, bi film proiektatuko dira: "Izarren Argia" lehenengo egunean, eta "El tiempo de las mariposas", bigarrenean. Pelikulak ikusi ondoren emakumeen eta politikaren arteko harremanari buruzko gaiak eztabaidatuko dira.
Egitaraua:
Azaroak 21, asteazkena
Goizean,
09:00-09:15 Harrera.
09:15-09:45 Agurra eta hasiera ekitaldia.
09:45-10:30 Hitzaldia: Miren Aranguren (Bilgune Feminista): "Euskal Herriko mugimendu feministaren historia".
10:30-11:30 Hitzaldia: Maite Ubiria (kazetaria): "Politika kronika morea".
11:30-12:00 Kafe tartea.
12:00-13:30 Mahai-ingurua:
- Laura Mintegi (EHUko irakasle eta politikaria).
- Miren Azkarate (EHUko irakasle eta politikaria).
Moderatzailea: Maite Ubiria (kazetaria).
Arratsaldean,
15:30-19:00 Zineforum tailerra: "Izarren Argia" (2010). Mikel Rueda.
- Maria Gonzalez Gorosarri (EHUko ikerlaria eta pelikularen gidoilaria).
Azaroak 22, osteguna
Goizean,
09:30-10:15 Hitzaldia: Izaro Gorostidi (EHUko irakaslea eta politologoa): "Andrak, politika eta parte hartzea: berdintasunaren irudikeria".
10:15-11:00 Hitzaldia: Mertxe Larrañaga (EHUko irakaslea): "Erradiografia sozioekonomikoa genero ikuspegitik".
11:00-11:30 Kafe tartea.
11:30-12:10 Hitzaldia: Ainhoa Guemes (kazetaria), Zaloa Basabe (kazetaria): "Politika feminista: tentsioa gizarte aldaketa aurretik doanean".
12:15-13:30 Mahai-ingurua:
- Izaro Gorostidi (EHUko irakaslea eta politologoa).
- Mertxe Larrañaga (EHUko irakaslea).
- Ainhoa Guemes (kazetaria).
- Zaloa Basabe (kazetaria).
Moderatzailea: Maite Asensio (kazetaria).
Arratsaldean,
15:30-19:00 Zineforum tailerra: "El tiempo de las mariposas"(1994). Mariano Barroso
- Iratxe Fresneda (EHUko irakaslea).
Asteazken eta ostegun honetan, azaroak 21 eta 22, izango da Emakumeen Ikusgarritasuna Hedabideetan jardunaldien hirugarren edizioa, EHUko Gizarte eta Komunikazio Zientzien Fakultateko auditorioan, Leioa eta Erandioko campusean. Aurten emakumezkoak eta politika izango dituzte ardatz. Bi egunetan emakume politikariek, ikertzaileek eta kazetariek parte hartuko dute jardunaldi horietan. Besteak beste, Laura Mintegi, Miren Azkarate, Miren Aranguren, Izaro Gorostidi, Mertxe Larrañaga, Ainhoa Guemes eta Zaloa Basabe izango dira. Ekitaldietan, hitzaldiak, mahai-inguruak eta zine-forum tailerrak antolatu ditu Ikus-entzunezko Komunikazioa eta Publizitate Sailak. Euskaraz izango dira jardunaldiak. Argazkian, Laura Mintegi Algortako Getxo I institutuan bozkatzen, urriaren 21eko Eusko Legebiltzarreko hauteskunde egunean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun