Horiekin guztiekin, honako ekintzak burutuko dira:
- Land Art instalazioa. Hondakin organikoekin Jauregizar plazaren zenbait berdegune kolonizatzea, materialen aldaketa prozesuetan oinarritutako instalazio baten bitartez.
- Eskulangintza tailerra. Plaza osatzen duten zenbait elementuren eraldaketa, hondakin organikoak eta hauekin sortutako apaingarriak erabiliz.
- Jolas zirkuitua. Hondakinak erabiliz hainbat jolas egingo dira (adibidez, egurrezko boloak).
- Gainera, plaza girotzeko asmoz musika egongo da, eta gero txokolatada egingo da auzokide guztientzat.
Azaroaren 26an, hitzaldia
Bestalde, azaroaren 26an, astelehena, Tokiko Agenda 21ean parte hartzen ari diren Iberreko eta Ander Deuna ikastolako ikasleentzat hitzaldia antolatu dute Udalak eta Ekogunek. Bere izenburua “Zabor-Mendiaren aholku jakintsuak ikasten” izango da, eta bertan Jim Henson-ek sortu zuen “Fraggle Rock” telesailaren Zabor-Mendiak hainbat aholku emango ditu. Gainera, hainbat galdera ireki azaleratuko ditu: Zer da guretzat zaborra? Nola sortzen dugu? Zer nolako harremana dugu berarekin?
Sormenaren bitartez hondakinen berrerabilera sustatuko dute ostiralean Sopelan
Hondakinen Prebentziorako Europako Astearen harira, Sopelako Udalak eta Ekogunek hainbat jarduera antolatu dituzte. Ostiral honetan, azaroak 23, 17:30etik aurrera, Jauregizar plazan “Recycling Inventing Sopela” izeneko ekimena egingo dute. "Bere helburua hondakin organikoen berrerabilera sortzailea sustatzea izango da", azaldu dute tokiko agintariek. Horrela, "plazaren inguruak eraldatu" egingo dituzte, hondakin organikoen berrerabileraren bidez. Horretarako, beharrezkoa izango da adin guztietako auzokideen parte-hartzea, beti ere sormena oinarri gisa hartuz (hainbat jolas egingo dira). Halaber, herritarren artean kontzientzia zabaltzea izango da beste helburuetako bat: "hondakin organikoak modu egokian kudeatu behar direla azalduz, eta hondakin horiek kudeatzeko bestelako ereduak ere daudela informatuz, sormenaren bidez adibidez", gaineratu dutenez. Argazkian, ekimen horretan erabiliko den materiala inausketa kanpainan lortutakoa izango da (adarrak, zurtoinak, hostoak eta abar) / © Barrika.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun