“Nagusien Etxearen 25. urteurrenaren ospakizuna egun garrantzitsua da urte guzti hauetan eduki dituen garapenagatik eta ibilbideagatik, eta aurten zahartze aktiboa ospatzen ari garelako”, adierazi du Imanol Landa Getxoko alkateak, gaurko antolatutako ospakizun ekitaldietan. Udal agintariak azpimarratu du zentroak esparru desberdinetako programazio handia duela, bai astialdian; baita ahalmen psikiko, fisiko eta pertsonen arteko harremanak hobetzeko jardueretan ere. Landak gaineratu du “zentroak izugarrizko garapen positiboa" eduki duela, "une honetan ia 6.000 bazkide dituelako eta oso ondo, partaidetza eran, gestionatutako errealitatearen partea dira". "Beraz, oinarrizko erreferentzia da zahartze aktiboan, bermatzen duen ibilbidearekin eta etorkin itxaropentsuarekin, eta mota honetako baliabideen beharra agerian uzten du”, amaitu duenez. Argazkian, gaurko ospakizuna / © Getxoko Udala.
Bestalde, Jose Miguel Fernández de Martikorena Nagusien Etxea gestionatzen duen elkarteko Zuzendaritza Batzordeko presidenteak adierazi duenez, “oso pozik gaude 25 urterekin, oso zaila delako heltzea, batez ere garai zail hauetan. Toki askotan zerbitzu hauek desagertzen ari dira eta guk jarduera eta zerbitzu berberekin segitzen dugu, eta ahal bada, datorren urtean gehiago edukitzen saiatuko gara, gero eta bazkide gehiago garelako”. Nagusien Etxeak gaur egun jarduera ugari antolatzen ditu, tartean txangoak, museoetarako bisitak, ikastaroak (pintura, eskulanak, sebillanak, aretoko dantzak, gimnasia…), abesbatza, dantzak eta jaiak, lehiaketak eta abar.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun