Zentroaren bizitzan une esanguratsu asko egon dira: tartean, 1970-1971ko ikasturtean Irakaskuntza Zentro Kooperatiba ofizialki erregistratu zen; 1976-1977koan BBPko gelak sortu ziren eta hurrengo urteetan haurtzaindegia; 2002ko Ibilaldia eta abar. Gaur egun Haur eta Lehen Hezkuntzak, eta DBH eskaintzen ditu ikastolak, baina heziketa akademiko horretaz gain, erronka ikasleen heziketa intregrala lortzea izan da beti. Horregatik, helburuen artean euskara eta euskal kultura zabaltzea, eta inguruko ohiturei begirunea erakusten dieten gizaki sortzaile, arduratsu eta profesionalak heztea ere daude, aurrerapen teknologikoekin, kirola garatzearekin, eta abarrekin bat egiteaz gain.
San Nikolas ikastolako geletatik getxoztarren belaunaldi asko pasa dira, hurrengo hilabeteotan bai zentro barruan bai kanpoan ospatzeko antolatuko dituzten jardueretan (50 urte-50 mendi, Algortako euskal jaia, argazki erakusketak, lehiaketak, bideoak,.) parte hartu nahi izango dutenak eta Argia Ereiten sariaren partea ere sentituko direnak.
Algortako San Nikolas ikastolak jasoko du aurten Getxoko Udalak duela bi urtetik banatzen duen Argia Ereiten Euskara Saria, aste batzuk barru 50 urte beteko dituelako. Bere hirugarren edizioan, "herrian euskararen irakaskuntzan, normalizazioan eta hedatzean ikastolak hainbeste urtetan egindako ekarpena nabarmendu nahi du" aipamen horrek, tokiko agintariek azaldu duetenez. Saria, Luis Artolak landutako egurrezko ikurra, azaroaren 28an, asteazkenean, 20:00etan, Fadura kiroldegian izango den ekitaldian hartuko du ikastolak. San Nikolas ikastola Algortako Areneazpi kaleko bi eraikinetan lekutu arte toki askotatik igaro da. 1963an abiatu zen bederatzi familien etxeetan eta Begoña Abaitua andereñoarekin (egun Alemanian bizi dena). Nahiz eta orduko giroak ez zuen batere lagundu, familia horien ahaleginari eta ilusioari esker, errekurtso ezak eta zailtasunak gainditzen joan ziren eta proiektuak aurrera egin zuen, hurrengo ikasturtean 45 ikasle izan baitziren eta, 1968an 202 izatera heldu ziren. Irakaskuntza Libreko Zentroa zen eta ikasketak euskaraz egin arren azterketak gaztelaniaz egiten zituzten ikasleek. Gurasoen eta irakasleen kontzientziazioak hazkunde etengabekoa izatera lagundu zuen, lehenengoz Alangoko txalet batera eta gero Bidebarri kalera aldatuz. Argazkian, San Nikolas ikastolako ikasleak kalejiran, artxiboko irudian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun