Kontzentrazioekin batera, hainbat ekitaldi antolatu dituzte Mankomunitateko udalek eta emakumeen elkarteek. Besteak beste, ondoko hauek:
Barrika
Azaroak 24, zapatua
18:00 "Te doy mis ojos" (Iciar Bollaín) zineforuma, Ander Deuna kultur aretoan (Goierri). Filmaren proiekzioaren ostean, taldeko tertulia edota hizketaldia tematikaren inguruan.
Berango
Azaroak 23, ostirala
19:00 Impromptu taldearen "Zinea eta musika" kontzertua, Berango Antzokian. Sarrera: euro bat. Soinu bandei eta konpositoreei buruzko emanaldia izango da. Ikerne Goikoetxea artista
polifazetikoak eta Ana Ispizua biolontxelo joleak hartuko dute parte.
Azaroak 25, igandea
18:30 Torpedo Level taldearen “Amor y Desamor” antzezlana Berango Antzokian. Sarrera doan. Harremanetan dagoen indarkeriari buruzko gogoeta, umorez kontatua, baina inguruan dugun errealitatea ahaztu gabe.
Azaroak 30, ostirala
19:00 “Tengo ganas de ti pero, ¿qué pasa conmigo?” hitzaldia Berango Antzokian. Sarrera doan. 12 urtetik gorako gazteei eta gurasoei zuzenduta. Ianire Estebanez “Mi novio me controla lo normal” blogaren egilea da, eta ikuspegi berri batetik aztertuko ditu gaur eguneko pelikulak, abestiak, bideoklipak…
Gorliz
Azaroak 24, larunbata
19:00 "Amor y Desamor" antzezlana Sertutxenean.
Sopela
Azaroak 24, larunbata
20:00 “Damas, señoras y mujeres” antzezlana Kurtzio kultur etxean. Sarrera doan.
Azaroak 25, igandea
18:00 Elkarretaratzearen ondoren, egun horretarako adostutako manifestua irakurri eta “La mujer sola” bakarrizketa antzeztuko da, udaletxeko hallean, Ana Plazaren eskutik. Bakarrizketa honen testua Dario Fo eta Franca Rames-ena da.
Emakumeenganako indarkeriaren kontrako ibilaldiak zeharkatuko du igandean Mankomunitatea
Azaroaren 25eko Emakumeenganako Indarkeriaren Aurkako Nazioarteko Egunerako, udalerriak zeharkatuko dituen ibilaldia antolatu du Uribe Kostako Mankomunitatekok. Herri bakoitzean kontzentrazioa egingo dute. Horrenbestez, 11:30ean jarri dute hitzordua Berangoko metro geltoki parean, Sabino Arana kalean; 12:00etan Barrikako udaletxeko plazan; 12:30ean Lemoizko udaletxean; 13:00etan Plentziako udaletxean; 18:00etan Sopelako udaletxeko plazan; eta 18:30ean Urdulizko kultur etxean. Mankomunitate mailako ekitaldi nagusia Gorlizko Eliz plazan egingo dute, 13:30etik aurrera. Bertan, Barrikako Emakumeen Hitza Elkarteko antzerki tailerrak performance bat eskaini eta Haize Berria elkarteak olerki bat irakurriko dute, eta adierazpena irakurriko dira. Bestalde, abenduaren 3an, astelehena, batuko da Uribe Kostako Emakumeen Kontseilua Berangoko udaletxean, 17:00etan. Eskualdeko emakumezko guztiei zabalik dago deialdia eta, ondoren, indarkeriaren kontrako elkarretaratzea egingo dute udaletxe ondoan. Argazkian, emakumeak 2010eko azaroaren 25ean Sopelako udaletxean egindako ekitaldian / © Sopelako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun