ELAko ordezkarien hitzetan, "murrizketa hauek EHUko langileen lan balditzen kalterako aurrez egindakoei gehitu behar zaie. Tasak igotzeak edota eskaintza akademikoa murrizteak unibertsitateko beharginak prekarietatera eroateaz gain, unibertsitatearen proiektua bera elitista, ekonomizista eta kolore bakarreko bilakatzen du. Unibertsitate eredu hau ez da Goirizelaia jaunak iritzi artikuluetan defendatzen duen eredua, guztiz kontrakoa baizik".
ELAren mobilizazioa Leioa eta Erandioko campusean (argazki bilduma)
ELA sindikatuak deituta, EHUko 35 langilek egin dute mobilizazioa, gaur goizean, Leioa eta Erandioko campusean, Iñaki Goirizelaia egungo errektore eta hauteskundeetarako hautagai bakarrak "murrizketak gauzatzeko erakutsitako borondatea" salatzeko. Azaldu dutenez, "Madriletik datozen aginduak betetzeko borondatea azaldu du mahaian" unibertsitateko agintariak. Lehenik eta behin, errektoretzaren behealdean kontzentratu dira ELAkoak. Ondoren, giza-katea egin dute, Mikel Laboa plazan geldialdia eginez. Eta azkenik, errektoretzara abiatu dira eta barruan egon dira hainbat minutuz, inolako gorabeherarik suertatu gabe. Besteak beste, Mariano Rajoi Espainiako presidentearen "morroia" izatea leporatu diote EHUko errektoreari. Horretaz gain, "Extremadurako PPk murrizketarik ez duela egingo iragarri duen bitartean", horiek aplikatu nahi izatea leporatu diote Goirizelaia errektore "superabertzaleari". Argazkian, ELAkoen giza-katea campusean zehar.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun