Horrenbestez, aldagai horiek guztiak ordezkatu eta azpimarratzen dituen komunikazio-kanpaina bizi eta eraginkorra burutuko da gaur eta abenduaren 3a bitarte. Xede horretarako, Jaurlaritzak dituen komunikabideak erabiliko dituzte: telebistaz (ETB1, ETB2 eta ETB3), irratiz (Euskadi Irratia, Radio Euskadi, Radio Vitoria eta Gaztea) eta Internetez (eitb.com) oihartzun zabala emango zaio hamar egunez. Hizkuntza Politikarako Sailburuordetzaren www.euskara.euskadi.net webgunean eta Youtube-n ere kanpainaren inguruan prestatutako bideoklip osoa jarriko da nahi duen orok ikusteko aukera izan dezan.
Kanpaina "publiko ezin zabalago bati zuzentzen zaio, euskal gizarte osoari", alegia. Euskararen aniztasuna azpimarratu nahi du euskal herritar guztien begietara, euskararen aurpegi askotarikoak, hizkera ezberdinak, egoerak eta bizipenak azaleratuz, eta eragileen presentzia zuzena izango da bertan: immigranteak, euskaldun berriak eta zaharrak, euskaldun ezagunak, anonimoak, zahar eta gazte…
Eusko Jaurlaritzako Hizkuntza Politikarako Sailburuordetzak euskararen normalizazioan eta euskararen erabileraren alde hainbat ekimen sustatu ditu, eta horren baitan kokatzen da ere Euskararen aurpegiak izeneko kanpaina hori.
"Euskararen aurpegiak" izeneko kanpaina abian jarri du Eusko Jaurlaritzako Hizkuntza Politikarako Sailburuordetzak, gaurtik eta abenduaren 3a, Euskararen Nazioarteko Eguna, bitartean. Euskararen munduen aniztasuna eta euskarak euskal gizartea kohesionatzeko duen gaitasuna azpimarratu nahi dituzte kanpaina horretan, eta xede horretarako telebistarako, irratirako nahiz Interneterako prestatu den kanpaina ikusi eta entzun ahal izango da datozen egunotan. Kanpainako antolatzaileen arabera "euskara hizkuntza modernoa da, euskal herritarren eguneroko bizimodua egiteko ezinbesteko bidelagun dena. Gizartean dauden eragile eta sektore guztiak batzen ditu, kolore, maila, adin, arraza eta jatorri guztietako pertsonek dute lekua euskararen unibertsoan. Bertan daudenak eta Euskal Herritik kanpo daudenak bat egiteko zubi ezin aproposagoa da, halaber". Irudian, kanpainaren fotograma bat / © Eusko Jaurlaritza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun