Ibilbidean zehar 3 kontrol egongo dira eta batean, hamaiketakoa hartzeko parada izango da bertan denbora geratuko delarik. Giharrak berotu ostean, parte hartzaileentzat entsalada, indabak, postrea, kafea eta patxarana izango dira frontoian, 5 euroren truke (umeak doan). Hala ere, ibilbidea egin ez duenak ere herri bazkarian parte har dezake, beste guztiak bezala bazkariko txartela ordainduz. Bazkal aurretik, dena den, txalaparta tailerra izango da umeentzat UKTEST taldearen eskutik. Era berean, nahiago duenak Olentzeroren eskulan bat egiteko aukera izango du. Biak ala biak frontoi alboan egingo dituzte.
Bazkalostean, Erdizka Lauetan taldeak girotuko du frontoia, dantza errazak ikasteko eta atakak mugitzeko aukera emanez. Bitartean, 16:00etatik 17:00etara, Berangoeta kultur etxean umeentzako film emanaldia izango da. Sari banaketa, ordea, frontoian egingo da arratsaldeko 18:30ak aldera.
Egitaraua
• 8:15ean, nagusien izen-ematea (bikoteka).
• 9:00etan, nagusien irteera (bikoteka).
• 9:00etan, txikien izen-ematea (bikoteka)
• 9:00etan, txikien irteera (bikoteka).
• 12:30ean, txalaparta tailerra eta Olentzeroren eskulanak frontoi alboan.
• Eguerdian, bazkaria frontoian (nagusientzat 5 eurotan eta txikientzat doan).
• 16:00etan, film-emanaldia Berangoeta kultur etxean.
• 18:30ean, sari banaketa.
Urtero legez, udazkenarekin batera, ibilaldi neurtuaren 30. edizioa antolatu du Berangoko Sei Herri kultur elkarteak. Igande honetan, abenduak 2, izango da Uribe Kosta zeharkatzen duen martxa. Orain dela 30 urte, herriko gazte talde bat ibilaldia antolatzen hasi zen eta gaur egunera arte mantendu da jende askoren laguntza eta inplikazioaz. Antolatzaileek zabaldu dutenez, ohiko bi ibilbideak mantenduko dituzte aurten ere: bata, 8 kilometrotakoa gutxi gora behera, txikientzat izaten da; eta bestea, 16 kilometro ingurukoa, helduentzat, bikoteka egin behar dena. Irteera eta helmuga Sei Herri tabernan izan ohi dira, Sabino Arana kalean. Ibilaldia bukatuta, eguerdi aldera, herri bazkaria eta sari banaketa dituzte ohitura berangoztarrek. Argazkian, urtero-urtero, ibilaldian parte hartzen duten guztiek etxera eraman ahal dute horren bereizgarria bihurtu den banderatxoa, Algortako Javi Martinezek diseinatzen duena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun