Astelehenean abiatu zen irailaren 26ko greba orokorra deitu zuten ELA, LAB, ESK, STEE-EILAS, EHNE, Hiru, CGT-LKN, CNT sindikatuek eta ehunetik gora eragile sozialek “Euskal Herria martxan” ekimena. Ostiralera bitartean, herri eta hiriburuetan mobilizazioak burutuko dituzte, lan duina eta eskubide sozialak bermatzea bilatuz. Aipatu egunean, Bilbon, 18:30ean, Jesusen Bihotzetik manifestazioa egingo dute. Egun berean, martxak egingo dira Donostian, 19:00etan, Boulebardetik abiatuta eta Gasteizen 19:00etan, Bilbo plazatik. Iruñeako protesta hilaren 28an izango da eta 19:00etan, autobus geltokian emango diote hasiera. Baina Uribe Kosta eta Erandiotik ere igaroko da “Euskal Herria martxan” ekimena. Bihar, osteguna, Altzagako metro geltokiko plazan jarri dute lehenengo geldialdia, 17:00etan. Ordubete beranduago, 18:00etan, Astrabuduako Josu Murueta plazan batuko dira. 19:00etan, berriz, Lamiakoko metro geltokiko plazan. Eta 19:30ean kontzentrazioa egingo dute Lanbideren Areetako bulegoen aurrean. Argazkian, irailaren 26ko greba orokorreko mobilizazioa Areetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun