Abian kultur elkarteak azarorako antolatutako ekitaldien artean, ostegun honetan, hilak 29, Harrera elkartearen aurkezpena egingo dute. Hitzordua 19:30ean jarri dute Algortako Bidebarri kaleko 2. zenbakian. "Etxera itzuli ostean, errealitatea ametsen gainetik nagusitzen zaie preso eta errefuxiatu askori. Batzuetan ikasketarik gabe, gehienetan kotizaziorik gabe, ia beti lanik izan gabe, egunerokoari aurre egin behar diote. Arazo zabala eta larria da, aspaldikoa, baina horri heldu dio Harrera elkarte berriak aro berri honetan. Gizartearekin egin nahi du... eta abian da", adierazi dute sustatzaileek. Harrera Taldea "elkarte asistentziala" gisa eratu zuten apirilean, eta ekainetik guztiz legala da, bere idazkari, diruzain eta abarrekin. Baina ez hori bakarrik: lanean hasi da eta errepresaliatu ohien egoera konpontzeko hainbat emaitza lortu ditu dagoeneko. Argazkian, irailaren 28an inauguratu zuten Abian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun