Euskararen Eguna ospatzeko ekitaldiak antolatu dituzte Mankomunitateko udalek

Abenduaren 3ko Euskararen Nazioarteko Egunaren harira, hainbat ekitaldi antolatu dituzte Uribe Kostako Mankomunitatea osatzen duten udalek. Sopelan bezala, besteak beste, Barrika, Berango, Gorliz eta Plentzian izango dira haur eta helduentzako saioak. Berritzaileena, agian, Barrikan egingo duten Euskal Mintzalekua. Larunbat honetan izango da, euskaraz egindako hizketaldi labur eta hitz jolasen bitartez, 18:30etik aurrera, Nagusien Etxean. Ekintza adin eta euskara maila guztiei zuzendurik dago. "Helburua euskararen erabilera sustatzea da, euskaldunak eta euskara ikasten ari direnak elkartuz giro lasai eta atsegin batean", udal iturriek zehaztu dutenez. Parte-hartzaileak 4-5 pertsona inguruko taldeak osatuko dituzte eta euskaraz mintzatuko dute 5 minutuko 4 edo 5 saioetan. Saio bakoitza gai ezberdin bati buruzkoa izango da, modu honetan hizkuntza praktikatu eta iritziak elkartrukatuko dituzte. Behin hizketaldi laburrak amaituta, hitz jolas eta "Apalabrados" izeneko aplikazioa euskaraz, hau da, jokoari hasiera emango diote. Ekintzan parte hartzeko Udal Kultur Gunean aurretik izena ematea beharrezkoa da. Argazkian, besteak beste, Maite Arrese ipuin-kontalaria izango da Gorlizen / cc-by Leioako Udal Liburutegia.